ՎԻՃԱԿԱԳՐՈՒԹՅՈՒՆ

8984

Ակտիվ քաղաքացիներ

204

Առաջարկներ

862

Կարծիքների քանակ

15582

Հավանումներ

ԱՌԱՋԱՐԿՆԵՐ

Ծանոթացեք մեր քաղաքացիների առաջարկներին և ներգրավվեք քննարկումներին, թողեք Ձեր կարծիքը:

Image
Հայկական զարդանախշերով նստարան

20-09-2019

ՌՈՒԲԵՆ ՄՆԱՑԱԿԱՆՅԱՆ

Առաջարկում եմ Երևանի փողոցներում տեղադրել հայկական զարդանախշերով պատրաստված նստարաններ, որոնք յուրահատուկ տեսք կհաղորդեն Երևան քաղաքին և կներկայացնեն ազգային մշակույթը։ Մինչև այդ նմանատիպ նստարաններ երբևիցե չեն եղել Երևանում և դրա սահմաներից դուրս։ Լինելով հին պատմություն ունեցող երկիր՝ կարծում եմ, որ այսպիսի նստարանները նոր շունչ կհաղորդեն Երևանին և կներկայացնեն հայկական մշակույթը։
 

11
6

կարդալ ավելին
Image
Երգող նստարաններ

05-09-2019

ԷԼՄԻՐԱ ԱՆԴՐԻԿՅԱՆ

Առաջարկում եմ Դավթաշեն վարչական շրջանում տեղադրել  «երգող» նստարաններ  /գրանիտե,  սենսորային/:  Նստելով նստարանին՝  զբոսաշրջիկների  համար կհնչի հատվածներ  հայ կոմպոզիտորների ստեղծագործություններից /Առնո Բաբաջանյան, Արամ Խաչատրյան, Կոմիտաս, և այլն/:  Բացի երաժշտություն ունկնդրելուց  նստարանները /համապատասխան կոճակը սեղմելուց հետո/ հնարավորություն կտան զբոսաշրջիկներին  բջջային հեռախոսի app-երի միջոցով  ներբեռնել աուդիոձայնագրություններ տարբեր լեզուներով և  ստանալ  հետևյալ  տեղեկատվությունները.

  •  տեղեկատվություն՝  կոմպոզիտորների ստեղծագործական  կյանքի  մասին / հնչյունային  էֆեկտներով զուգորդված/  
  • կոմպոզիտորների  տուն –թանգարանների  և Երևան քաղաքում  գտնվող տեսարժան  վայրերի  ճանապարհային քարտեզները
  • Տեսարժան  վայրերի  մասին պատմող  տեղեկատվություն  / զբոսաշրջիկը տեսարժան վայրում  միացնում  է  բջջային հեռախոսը  և տեղում ստանում  լիարժեք  նյութ՝ տվյալ  վայրի վերաբերյալ/:

Այս գաղափարի իրագործումը մեծ հետաքրքրություն կառաջացնի   զբոսաշրջիկների  շրջանում և  կօգնի նրանց   զգալ 21-րդ դարի Հայաստանյան  մթնոլորտը :

Վայր: Դավթաշեն վարչական շրջան, Կենտրոնական այգի

290
5

կարդալ ավելին
Image
Ցայտաղբյուր

12-07-2019

ՀԱՐՈՒԹՅՈՒՆ ՀԱՐՈՒԹՅՈՒՆՅԱՆ

Նախագիծը իրենից ներկայացնում է ցայտաղբյուրներ մարդկանց և կենդանիների համար։ Ցայտաղբյուրները դարձել են մեր քաղաքի բնորոշիչներից մեկը, իրավամբ Երևանը հռչակ է վայելում իր բազմաձև ցայտաղբյուրներով և լեռնային սառնորակ ջրով։ Բազմաթիվ Երևանաբնակներ և մայրաքաղաքի հյուրեր գրեթե ամեն օր օգտվում են դրանցից։ 
        Մարդկանց հետ զուգահեռ ցայտաղբյուրներից օգտվում են բազմաթիվ կենդանիներ ևս՝ հատկապես շներ։ Շատ ժամանակ կենդանիները ցատկում են դրանց վրա և հագեցնում իրենց ծարավը, ինչը բերում է մի շարք հիվանդությունների տարածմանը կենդանիներից մարդկանց։ Այս երևույթը էսթետիկորեն տգեղ է և ոչ ակնահաճո։

23
3

կարդալ ավելին
Image
Ընթերցասերի այգի

12-07-2019

ՍՏԵՓԱՆ ԽԱՆՈՅԱՆ

Առաջարկում եմ ստեղծել ընթերցասերի այգի: 

Այգին ոչ միայն հարմարավետ վայր կլինի ընթերցելու համար, այլև հնարավորություն կստեղծի նոր ծանոթություններ հաստատելու, գրքեր փոխանակելու կամ նվիրելու համար: 

Յուրաքանչյուր նստարան կարող է կրել որևէ հայտնի հեղինակի կամ գրքի անուն,  ինչը կունենա ճանաչողական և կրթական արդյունք: Այգում տեղադրված  գովազդային վահանակներում ընթերցողը կծանոթանա ինպես հայ հեղինակների  նոր գրքերին,  այնպես էլ արտասահմանյան բեսթսելլերներին: 

Հեղինակները հնարավորություն կունենան  կազմակերպել իրենց նոր գրքերի շնորհանդեսը և տեղում կազմակերպել վաճառք:  Այգուն կից կարելի է հիմնել նաև փոքրիկ սրճարան, որից ստացված շահույթով  հնարավոր կլինի հոգալ այգու ծախսերը: 

Այսպիսով կարելի է կրթել մեր  հասարակությանը և նոր մշակույթ ձևավորել:

26
3

կարդալ ավելին
Image
Խաղահրապարակի ստեղծում

13-08-2019

ՍԻՐԱՆՈՒՇ ԱՍՐՅԱՆ

Առաջարկում եմ Կոմիտասի այգում տեղադրել մարզասարքեր, որպեսզի կարողանան օգտվել նաև տարիքով մարդիկ։ Նպատակը՝ հարակից տարածքում ապրող բնակիչները հնարավորություն կունենան օգտվել մարզասարքերից և պահպանել առողջ ապրելակերպ։

662
1

կարդալ ավելին
Image
Սքեյթպարկ

02-10-2019

ՌՈԼԱՆԴ ՀԱՐՈՒԹՅՈՒՆՅԱՆ

Էքստրեմալ սպորտաձևերը հայաստանում զարգացման կարիք ունեն։

Զարգացման համար նշանավոր քայլ կլինի մարզահրապարակի (սքեյթպարկի) կառուցումը, ինչը կներգրավվի նոր մարդկանց, որոնք կզբաղվեն BMX, Skateboard, Freestyle Scooter և Aggressive Inline սպորտաձևերով։

Սքեյթպարկը հանդես կգա ոչ միայն որպես մարզահրապարակ, այլ նաև կզարգացնի մեր քաղաքի մի շարք ոլորտներ:

Այլ երկրների փորձի հիման վրա կարելի է ասել, որ սքեյթպարկի կառուցումը կնպաստի զբոսաշրջության զարգացմանը: Արտասահմանցիները Հայաստան և մասնավորապես Երևան հաճախելու ևս մի պատճառ կունենան։ Նաև սքեյթպարկը քաղաքի ճարտարապետությունը կդարձնի ավելի յուրօրինակ և, ինչ կարևոր է, կստեղծի հասարակական վայր, որը երտիսարդության մեջ կզարգացնի առողջ ապրելակերպի գաղափարներ։

68
3

կարդալ ավելին
Image
էլեկտրական մեքենաների լիցքավորման կայանատեղի

30-09-2019

ԱՇՈՏ ՄՈՒՇԵՂՅԱՆ

Էլեկտրական մեքենաները առավել մաքուր տրանսպորտային միջոցներ են, չունեն վնասակար արտանետումներ, այդ պատճառով այժմ շատ առաջադեմ և զարգացած երկրներում անցում են կատարում էլեկտրական մեքենաների և խրախուսում դրանց ավելացումը: Մեր երկրում այս ճյուղը չի զարգանում, պատճառներից մեկը լիցքավորման կայանների բացակայությունն է:

30
1

կարդալ ավելին
Image
Հաղորդագրություններ վարորդների համար

20-09-2019

ԳԱՌՆԻԿ ՄԿՐՏՉՅԱՆ

Մեր քաղաքը բավական հաճախ խցանվում է, ու երբեմն այդ խցանումները հասնում են մի քանի կիլոմետրի։ Մարդիկ կորցնում են բավական շատ ժամանակ, խցանումների պատճառով մթնոլորտ է արտանետվում մեծ քանակությամբ վնասակար նյութեր, շտապ օգնության մեքենաները չեն կարողանում ճիշտ ժամանակին հասնեն։ Այդ ամենից հնարավոր կլիներ որոշակի չափով խուսափել, եթե վարորդները նախօրոք իմանային, թե որ փողոցներն են խցանված, և հնարավորինս խուսափեին այդ ճանապարհներով գնալուց։

32
0

կարդալ ավելին
Image
Ծաղկող վարդակակաչներ

05-09-2019

ԷԼՄԻՐԱ ԱՆԴՐԻԿՅԱՆ

Առաջարկում  եմ  Դավթաշեն վարչական շրջանի  կանգառներում և զբոսայգում  տեղադրել  «ծաղկող վարդակակաչ»  անձրևանոց - լուսատուներ, որոնց սենսորային համակարգը թույլ է տալիս «ծաղկել» այն ժամանակ, երբ նրա տակ հայտնվում է մարդը:

  • ՆՊԱՏԱԿԸ

Մարդկանց կյանքը դարձնել ավելի հարմարավետ և գեղեցիկ:

238
4

կարդալ ավելին
Image
Հետիոտնային անցումների (չկարգավորվող) գիշերային լուսավորություն

11-07-2019

ՀԱԿՈԲ ՍԱՐԱՖՅԱՆ

Հիմք ընդունելով վերջին ժամանակաշրջանում վրաերթերի վիճակագրությունը առաջարկում եմ չկարգավորվող հետիոտնային անցումնեերի գիշերային լուսավորություն, նորարարական տեխնոլոգիաներով

289
30

կարդալ ավելին
Image
Լեդ լուսավորություն Հաղթանակ թաղամասում

02-10-2019

ՇՈՒՇԱՆԻԿ ՂԵՎՈՆԴՅԱՆ

Հաղթանակ թաղամասի բոլոր փողոցներում դնել լեդ լուսատուներ, որի շնորհիվ թաղամասի փողոցները կլինեն ավելի լուսավոր, իսկ բացակայող հատվածներում կտեղադրվեն նորերը: Լեդ լուսատուների տեղադրման արդյունքում «Երքաղլույս» ՓԲԸ-ն ավելի քիչ գումար կծախսի էլեկտրոէներգիայի վճարման վրա, կունենա տնտեսումներ և քաղաքի այլ հատվածներում էլ կկարողանա իրականացնել նման ծրագրեր: Սա կլինի նաև «Քաղաքային կանաչ լուսավորություն ծրագրի» շարունակությունը:

695
18

կարդալ ավելին
12 մայրաքաղաք

06-08-2019

ՎՐԵԺ ԱՌԱՔԵԼՅԱՆ

Համոզված եմ, որ արդիական է «12-րդ մայրաքաղաք» գունազարդ և եռալեզու հանդեսի լույսընծայումը, որը և երևանաբնակներին,և հյուրերին կներկայացնի աշխարհի հնագույն քաղաքը՝ իր ողջ հմայքով, զարմանալի եղելություններով, ավանդույթներով և ներկա զարգացումներով։

Հանդեսի խորագրերը այն կներկայացնեն ողջ գալիք ասելիքով։ Եվ․․․ հմայքով։


Հինավուրց քաղաքի հևքը (եղելություններ՝ կապված Երևանի ծագման հետ)
Երևանը խաչմերուկում (նշանավոր ճանապարհորդների հուշագրությունը)
Թամանյանի արեվային քաղաքը (ներկայացվում են ճարտարապետի ոչ այնքան հայտնի գործերը, Երևանի ՀԷԿ-ը,անկյունային շենքը Սայաթ-Նովա և Տերյան փողոցների խաչմերուկում և այլն)
Քաղաքի Ազնվական կնքահայրեր (քաղաքաշինարարներ, ճարտարապետներ, քանդակագործներ․․․Իսրայելյան, Մերկուրով, Կնտեղցյան․․․)
ԲՈՀԵՄ (Երևանի սրճարան հանճարանոցները, օր․<<Սկվազնյաչոկ>>․․․)
Ընհատակյա քաղաք (մայրաքաղաքի հետնաբեմը՝ Գետառ գետ)
XIII քաղաքամայր (Երևանի քաղաքաշինական և ճարտարապետական շեղումները՝վերջին 100 տարում)
Նորագույն քաղաքի հևքը (ներկա զարգացումները․․․)

9
1

կարդալ ավելին
Տեսնել բոլորը

ԱՄԵՆԱՇԱՏ ՔՎԵԱՐԿՎԱԾՆԵՐԸ

Դուք էլ անպայման քվեարկեք նախընտրած առաջարկների օգտին.
Ձեր քվեարկությամբ է ձևավորվում լավագույն առաջարկների ցանկը:

Հ․ Օշականի անվ․ N 172 դպրոցի բակային տարածքը դարձնել ապահով և փոխել պատուհանները
931
121

Վերականգնենք ''Կարմիր բլուր'' -ը
734
11

Մարզական կենտրոն Հաղթանակ թաղամասում
723
21

Լեդ լուսավորություն Հաղթանակ թաղամասում
695
18

#Իմքայլը հանուն Խարբերդի
692
14
Տեսնել բոլորը

Դուք կարո՛ղ եք նպաստել մայրաքաղաքի զարգացմանը

Երևանի քաղաքապետարանը Ձեր կողմից ընտրված առաջարկները կյանքի կոչելու համար համայնքային բյուջեից նախատեսել է տրամադրել

500 000 000 դրամ

Հարթակի մասին

«Ակտիվ քաղաքացի»-ն ժամանակակից հարթակ է՝ քաղաքացիների հետ Երևանի քաղաքապետարանի արդյունավետ փոխգործակցությամբ նոր նախագծերի և գաղափարների հայտնաբերման, առաջարկների ներկայացման և քննարկման համար:

Հարթակի ստեղծումը նախաձեռնել է Երևանի քաղաքապետարանը՝ քաղաքացիների հետ առավել արդյունավետ և սերտ փոխգործակցություն ապահովելու և մասնակցային կառավարում իրականացնելու նպատակով:

«ԱԿՏԻՎ ՔԱՂԱՔԱՑԻ» հարթակը
գործում է Blockchain տեխնոլոգիայով