Վիրտուալ իրականության տաղավար Երևան քաղաքի թանգարանում

Զբոսաշրջություն

05-08-2019

ՎՍ

Վ. ՍՈՖՅԱՆ

Առաջարկներ՝ 1

Առաջարկ

Մենք՝ բոլոր երևանցիներս, հաճույքով պարծենում ենք, որ մեր քաղաքը 2800 տարեկան է, նույնիսկ ամեն անգամ հիշատակում ենք, որ Երևանը մեծ է Հռոմից 29 տարով։ Թեպետ, որ դա անկասկած ճշմարտություն է, այնուամենայնիվ այդ ժամանակաշրջանին վերաբերվող մեր ունեցած մշակութային ժառանգությունը բավականին աղքատ է։ Այսօր Երևան քաղաքի պատմության թանգարանը մեծ մասամբ վերաբերվում է միջնադարյան և նոր դարաշրջանի պատմությանը։ Գրեթե չունենք նյութեր և տեղեկատվություն Երևանի ստեղծման դարաշրջանի վերաբերյալ, հանձինս մշակույթի, սոցիալ տնտեսության, բնակիչների սովորույթների և ապրելակերպի, ռազմարվեստի մասին։ Մեր թիմը համարում է, որ այդ դարաշրջանում մենք ոչ պակաս ուշագրավ նյութեր ունենք ցույց տալու մեր զբոսաշրջիկներին ։ Առաջարկում ենք Երևան քաղաքի պատմության թանգարանին կից ստեղծել Վիրտուալ իրականության տաղավար, որը հնարավորություն կտա թանգարնի այցելուներին, հատուկ ՎԻ ակնոցների միջոցով իրականացնել 5-6 րոպեանոց ճանապարհորդություն դեպի 2800 թվկանի Երևանը, որտեղ ականատես կլինի տարբեր ռազմական, սոցիալ-տնտեսական և այլ դեպքերի։

Լուծում

Մեր թիմը՝ ունենալով մեծ փորձ վիզուալիզիայի, վերակազմությունների և Վիրտուալ իրականության բնագավառներում, առաջարկում է ստեղծել հատուկ տաղավար Երևանի թանգարանի շենքի տարածքում, որտեղ թանգարանի այցելուները կկարողանան վիրտուալ ճանապարհորդություն իրականացնեն դեպի նորաստեղծ Էրեբունի, տեսնեն նրա հիասքանչ պարիսպները, շրջեն թագավորական արքունիքում և  քաղաքի փողոցներով, ծանոթանան ռազմարվեստին՝ հանձինս մարտական շարվածքներին, մեքենաներին, զինվորների տեսակներին։ Հնարավորություն կստանան տեսնել նաև որևէ ռազմական ճակատամարտ։ Տվյալ առաջարկը կարելի է դիտարկել նաև որպես բիզնես նախագիծ։ Վաճառելով հատուկ տոմսեր տվյալ ՎԻ շրջագայության համար կարելի է գույացնել գումար համակարգը սպասարկելու և հետագա նմանատիպ ճանապարհորդություններ իրականացնելու համար։

Ավելի մանրամասն խնդրում ենք դիտել հատուկ մշակված նկարները և տեսահոլովակը։

Հասցե` Հայաստան, Երևան, Արգիշտի փողոց, 1

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Ծրագիրը կարող է իրականացվել մրցույթի արդյունքում հաղթած կազմակերպության հետ

Սույն նախագիծը կարող է իրականացվել միայն օրենքով կազմակերպված մրցույթի արդյունքում հաղթած ընկերության հետ համագործակցության շրջանակում:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՎԱ
ՎԵՐՈՆԻԿԱ ԱՂԱՋԱՆՅԱՆ

11-10-2019 14:17:31

շատ լավ նախագիծ է

ՀՖ
ՀԱՐՈՒԹՅՈՒՆ ՖԱՐԻՇՅԱՆ

11-10-2019 01:38:11

Հետաքրքիր նախագիծ է , իմ կարծիքով երեխաները ավելի հեշտ կյուրացնեն պատմությունը քան ուղղակի դասագրքերով

ՖԷ
ՖՐԵԴ ԷԲՐԱՀԻՄԻ

11-09-2019 19:05:52

Շատ ճիշտ ու տարբեր հնագիտական թանգարաններում հաջող արդյունքներով  իրականցված առաջարկ է:

ԷՍ
ԷՄԻԼ ՍՏԵՓԱՆՅԱՆ

11-08-2019 21:15:55

Հիանալի նախագիծ է!!!

ԱԱ
ԱՐԹՈՒՐ ԱՄԻՐԽԱՆՅԱՆ

11-05-2019 22:16:32

Ուզում եմ որ մեր հերոսներից մեկը, օրինակ, խոսկի Վարդան Մամիկոնյանը սենց մոտիկից վազելով անցնի ու ես էդ հերոսական ոգին, շունչը զգամ։ Էդ հնարավորա??

ՀԱ
ՀԱՅԿԱԶ ԱՐԱՄՅԱՆ

11-04-2019 18:21:57

Շատ լավ Նախագիծ է

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

no image
Կարգավորվող ցայտաղբյուրներ

16-07-2019

ԱՆԴՐԱՆԻԿ ՉՈՐՈԽՅԱՆ

Ներկայումս Երևանի ցայտաղբյուրների գերակշռող մեծամասնությունը կարգավորվող չէ, ինչը հանգեցնում է ջրի անխնա կորստի: Հիմա Հայաստանը համարվում է շատ հարուստ երկիր՝ քաղցրահամ ջրի պաշարներով: Վստահ եմ՝ շատ մոտ ապագայում ջուրը դառնալու է հզոր ռեսուրս երկրի տնտեսության համար: Այդ իսկ պատճառով մենք պետք է ավելի խելամիտ օգտագործենք մեր ջրի պաշարները: 

Առաջարկում եմ Երևան քաղաքի բոլոր ցայտաղբյուրները դարձնել կարգավորվող (օրինակ կոճակի սեղմումով):

Ներքևում ներկայացրել եմ իմ սուբյեկտիվ ոչ պրոֆեսիոնալ հաշվարկները.

Երևանում մոտավոր հաշվարկներով կա 2000 ից ավելի ցայտաղբյուր: Իմ գնահատմամբ մեկ ցայտաղբյուրից միջինում ցայտում է 1 խմ ջուր 3 րոպեի ընթացքում: Մեկ օրում դա մոտավոր 500 խմ է: Բոլորը միասին մեկ օրում բաց են թողնում մոտավոր 1000000 խմ ջուր: Հաշվի առնելով, որ տարվա մեջ 7-8 ամիս են գործում, դրանք միասին տարեկան բաց են թողնում 240 միլիոն խմ ջուր: Կարծում եմ ցայտաղբյուրների միջին ՕԳԳ-ն օրվա ընթացքում (երբ մարդիկ իրականում օգտվում են դրանից) մոտ 30% է (կենտրոնում մի փոքր ավել, ծայրամասերում՝ ավելի քիչ): Հետևաբար՝ կորոստը կազմում է մոտավոր 70%:  Այսինքն՝ տարվա կտրվածքով, Երևանի ցայտաղբյուրները կորցնում են մոտավոր 170 միլիոն խմ ջուր, որը կարելի է կանխել:

Հիշեցնեմ միայն, որ Սևանից տարեկան ջրառը կազմում է հենց 170 միլիոն խմ:

Եթե ենթադրենք, որ յուրաքանչյուր ցայտաղբյուրի համար կծախսվի մոտավոր 10000 դրամ, բոլորը միասին կարժենա 20 միլիոն դրամ: Բնակիչների համար 1 խմ ջրի սակագինը կազմում է 191 դրամ: 170 միլիոն խմ - ի գինը մոտավոր 32 միլիարդ 470 միլիոն դրամ է կազմում: Թվերից երևում է, որ ներդրումը չափազանց չնչին գումար է կազմում ի համեմատություն սպասվող եկամտի:

Արդյունքը երկարաժամկետ կտվածքում օգտակար է լինելու ոչ միայն Երևանի, այլ ամբողջ Հայաստանի համար:

Տեսնել բոլորը