Street Workout մարզահրապարակներ բոլոր վարչական շրջաններում

Սպորտ

28-09-2019

ԱՀ

Ա. ՀԱՐՈՒԹՅՈՒՆՅԱՆ

Առաջարկներ՝ 1

Քվեարկողներ

Առաջարկ

Բարև ձեզ, 
Երևանում շատ արագ տեմպով աճում են սպորտային ակումբները, ֆիթնես մարզասրահները, բայց բնակիչների զգալի մասը ժամանակի, գումարի կամ հեռավորության պատճառով չի կարողանում իրեն թույլ տալ այցելել մարզասրահներ:
Շատ եվրոպական երկրներում և Ռուսաստանում արագ տեմպերով զարգանում է բակային պայմաններում մարզվելու մշակույթը, խոսքը բացօթյա մարզահրապարակների մասին է, որոնք անվճար են և բաց բոլորի համար:
Երևանում այս պահին կառուցված է ընդամենը 2 նմանատիպ մարզահրապարակ, որը ցավոք սրտի շատ քիչ է Երևանի միլիոնանոց բնակչության համար:
Կառուցելով  մեկական բացօթյա մարզահրապարակ յուրաքանչյուր վարչական շրջանում գտնվող կենտրոնական այգիներից մեկում՝ Երևանի բնակիչները հնարավորություն կունենան անվճար պայմաններում զբաղվել սպորտով և ֆիզիկական կուլտուրայով: 

Մարզահրապարակը դառնում է սպորտային և առողջ ժամանցի վայր: Այդտեղ կարող են մարզվել և երեխաները, և դեռահասներն ու երիտասարդները, և մեծահասակները:
Երևանի Աջափնյակ վարչական շրջանում (Արմենիա ՀԲԿ-ի հարակից այգում ) 2012թ.-ից գործում է Street Workout-ի մարզահրապարակ, որն իր շուրջ է հավաքել մոտակայքում ապրող բնակիչներին և մարզահրապարակը օրվա ցանկացած ժամի լի է մարզվող մարդկանցով: Այսինքն այդ մարզահրապարակը վառ օրինակ է, որ գաղափարը իրոք աշխատում է և իրոք կա նման մարզահրապարակների պահանջարկ Երևանի բոլոր վարչական շրջաններում:
 

Լուծում

Առաջարկում եմ կառուցել մեկական բացօթյա մարզահրապարակ բոլոր վարչական շրջաններում: 
Մարզահրապարակները պետք է լինեն բանուկ հատվածներում, և մոտիկ / հասանելի լինեն բնակիչներին:

Մենք որպես Street Workout Ֆեդերացիա, պատրաստ ենք մեր մասնագիտական գիտելիքներով և փորձով մասնակցություն ունենալ, տրամադրել պատրաստի մարզահրապարակների նախագծեր, որոնք մշակվել են՝ հաշվի առնելով միջազգային լավագույն փորձը, գնի, որակի, գեղեցկության և անվտանուգյան տեսակետից:

Հայաստանում շատ ակտիվ տեմպերով զարգանում է մասսայական սպորտ և Street Workout մարզաձևը, և կառուցելով մարզահրապարակներ՝ մենք կարող ենք մի նոր թափ հաղորդել առողջ սերընդի զարգացմանը: 
 

Հասցե` Հայաստան, Երևան, Աղասի Խանջյանի փողոց, 2/6

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Նախագիծը կիրականացվի հնարավորին շատ վարչական շրջաններում

Քանի որ բյուջեն սահմանափակ է, ապա ծրագիրը կիրականացվի այնքան վարչական շրջաններում, որքանում հնարավոր կլինի:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԳՍ
ԳՈՀԱՐ ՍՏԵՓԱՆՅԱՆ

11-10-2019 19:57:31

Եթե այս նախագիծն իրականանա, ապա Երևանը կլինի սպորտային քաղաք։ Ես աջակցում եմ:

ԱԱ
ԱՆԻ ԱՎԱԳՅԱՆ

11-08-2019 16:39:22

Իհարկե կարևոր առաջարկ է, բայց չպետք է մոռանալ, որ օրինակ Մալաթի-Սեբաստիա համայնքը միայն Հարավ-արևմտյան թաղամասը չէ: Սեբաստիա փողոցի հատվածում ոչ նորմալ խաղահրապարակ կա, ոչ էլ մարզահրապարակ:

ԱՄ
ԱՐՏՅՈՄ ՄԱԼԽԱՍՅԱՆ

11-07-2019 22:53:47

Պետք է ամեն ինչ անենք Երևանի զարգացման համար Այպիսի մտահաղացումները պիտի դեռ շարունակական բնույթ ստանան

ԱՈ
ԱՐՈՒՍՅԱԿ ՈՍԿԱՆՅԱՆ

11-06-2019 22:12:21

Հիանալի նախաձեռնություն!

ԼՊ
ԼԵՎՈՆ ՊԵՏՐՈՍՅԱՆ

11-05-2019 07:01:22

Շատ լավ գաղափար է։ Ես աջակցում եմ այս նախագծին։

ԱՌ
ԱՐՄԱՆ ՌԵՎԱԶՅԱՆ

11-05-2019 02:05:13

ԱՆՀՐԱԺԵՇՏՈՒԹՅՈՒՆ Է։ Հույսով եմ գաղափարը կիրականացվի։

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Երգող նստարաններ

05-09-2019

ԷԼՄԻՐԱ ԱՆԴՐԻԿՅԱՆ

Առաջարկում եմ Դավթաշեն վարչական շրջանում տեղադրել  «երգող» նստարաններ  /գրանիտեսենսորային/:  Նստելով նստարանին՝  զբոսաշրջիկների  համար կհնչի հատվածներ  հայ կոմպոզիտորների ստեղծագործություններից /Առնո Բաբաջանյան, Արամ Խաչատրյան, Կոմիտաս, և այլն/:  Բացի երաժշտություն ունկնդրելուց  նստարանները /համապատասխան կոճակը սեղմելուց հետո/ հնարավորություն կտան զբոսաշրջիկներին  բջջային հեռախոսի app-երի միջոցով  ներբեռնել աուդիոձայնագրություններ տարբեր լեզուներով և  ստանալ  հետևյալ  տեղեկատվությունները.

  •  տեղեկատվություն՝  կոմպոզիտորների ստեղծագործական  կյանքի  մասին / հնչյունային  էֆեկտներով զուգորդված/  
  • կոմպոզիտորների  տուն –թանգարանների  և Երևան քաղաքում  գտնվող տեսարժան  վայրերի  ճանապարհային քարտեզները
  • Տեսարժան  վայրերի  մասին պատմող  տեղեկատվություն  / զբոսաշրջիկը տեսարժան վայրում  միացնում  է  բջջային հեռախոսը  և տեղում ստանում  լիարժեք  նյութ՝ տվյալ  վայրի վերաբերյալ/:

Այս գաղափարի իրագործումը մեծ հետաքրքրություն կառաջացնի   զբոսաշրջիկների  շրջանում և  կօգնի նրանց   զգալ 21-րդ դարի Հայաստանյան  մթնոլորտը :

Վայր: Դավթաշեն վարչական շրջան, Կենտրոնական այգի

no image
Բոլորին հարմար

02-10-2019

ՆԱՐԻՆԵ ՄԱՆՈՒԿՅԱՆ

Տիգրան Մեծ 53 հասցեում առաջիկայում շահագործման կհանձնվի Մանկական ներառական զարգացման կենտրոն, որտեղ հաշմանդամություն  ունեցող և հաշմանդամություն  չունեցող 2-6 տարեկան երեխաները միասին ժամանակ կանցկացնեն՝ կոտրելով բոլոր կարծրատիպերը։

Հաշվի առնելով այն հանգամանքը, որ Երևանում դեռևս չկա ներառական մանկական զարգացման կենտրոն (գործող ներառական մանկապարտեզներում խնդիրներ ունեցող երեխաների և խնդիրներ չունեցող երեխաների խմբերը հստակ առանձնացված են)՝ չափազանց կարևորում ենք նման մոդելով զարգացման կենտրոնի առկայությունը։ Խնդիրներ ունեցող ու չունեցող երեխաները լինելու են միևնույն խմբում՝ ձևավորելով առողջ ներառական միջավայր, նպաստելով երեխաների ճիշտ հոգեբանական ինտեգրմանը, իրազեկմանը և ճանապարհ հարթելով երեխաներին ինտեգրվել ներառական դպրոցում ՝ հեշտությամբ և հոգեբանորեն ավելի պատրաստ։ 

Զարգացման կենտրոնում հաշմանդամություն ունեցող երեխաները անհրաժեշտության դեպքում կստանան նաև վերականգնողական թերապիաներ՝ ֆիզեոթերապիա, էրգոթերապիա, լոգոպեդի և հոգեբանի ծառայություն: 

Առաջարկում ենք նախատեսված բյուջեի սահմաններում տրամադրել  ներառական զարգացման կենտրոնի 6 սենյակի  սարքավորումներ, ինչպես նաև գնդակներ, ծեփամածիկներ, կավ, կինետիկ ավազ և զարգացնող տարբեր խաղեր։ 

Համապատասխան սարքավորումներով ու հատուկ խաղերով հագեցվածությունը կնպաստի ներառական զարգացման կենտրոնի նպատակի իրագործմանը՝ օգնելով ապահովել  բոլոր երեխաների համաչափ զարգացումը։ 

Տեսնել բոլորը