Հասցեների ցուցանակներ

Քաղաքային միջոցառումներ

05-09-2019

ՄԳ

Մ. ԳՐԻԳՈՐՅԱՆ

Առաջարկներ՝ 1

Քվեարկողներ

Առաջարկ

Փաստ է, որ մեր սիրելի քաղաքի շենքերի ճնշող մեծամասնությունը զուրկ է հասցե մատնանշող ցուցանակներից, ինչը անհարմարություն է առաջացնում թե՛ մեր քաղաքի բնակիչների, թե՛ քաղաքի հյուրերի համար։ Առաջարկում եմ լրացնել այդ բացը՝ 600/200մմ չափսի օրգանական ապակուց կամ ճկուն պլաստիկից պատրաստված ցուցանակներով, որի սկզբնամասում կարելի է զետեղել նաև մեր այն մեծանուն հայրենակցի նկարը, ում պատվին անվանակոչված է տվյալ փողոցը։ Ավելին կարող եմ ներկայացնել, եթե առաջարկն առաջանա հավանության։ Անձամբ պատրաստ եմ ներգրավվել այդ գործընթացում։

Լուծում

Ցուցանակի սկզբնամասում զետեղվում է այն անձի նկարը,ում պատվին անվանակոչվել է տվյալ փողոցը։ Փողոցի անվանումը և շենքի համարը գրվում է հատուկ լույսն անդրադարձնող ներկով, հայերեն և ավելի փոքր տառաչափով, նաև լատինատառ։ Մեկ ցուցանակի պատրաստման ու տեղադրոման ծախսը կկազմի 2800-3800դրամ:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:

Մեկնաբանություններ չկան

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Արևային տաղավար

29-09-2019

ՎԱՐՈՒԺԱՆ ԿՈՉԿՈՅԱՆ

Խնդիրները հետևյալն են․

> Աշխարհը և հատկապես Հայաստանը ինդուստրիալիզացիայի և անկանոն ուրբանիզացիայի արդյունքում աղտոտում է շրջակա միջավայրը և անխնա օգտագործում չվերականգնվող բնական ռեսուրսները։
> Ալեքսանդր Թամանյանի՝ 20րդ դարի առաջադեմ քաղաքաշինական տենդենցներով նախագծած այգի-քաղաք Երևանը հետզհետե վերածվում է ավտոտնակ-քաղաք կամ ասֆալտ-սրճարան-քաղաքի։
> Վերոհիշյալ խնդիրների արդյունքում՝ թթվածնից, հանրային պասիվ և ակտիվ բնույթի՝ «հանրային շահ» հանդիսացող վայրերի պակաս ունեցող Երևանի բնակիչների քաղաքային կյանքը տխուր է անցնում՝ բառի ուղիղ և փոխաբերական իմաստներով։


Ներկայիս գիտությունը և ճարտարապետությունը շատ հնարներ ունեն այդ խնդրի լուծման համար։ Փորձ է արվել այդ երկուսը համատեղել՝ «Արևային տաղավարի» միջոցով, որը միտված է մարդկանց իրազեկելու, թե ինչ է իրենից ներկայացնում կայուն զարգացումը, ինչպես օգտվել կայուն զարգացումն ապահովող սարքերից և ինչպես հաճույք ստանալ քաղաքային միջավայրում։

suggest image
Աուդիո գայդ համակարգի տեղադրում

06-08-2019

ՏԻԳՐԱՆ ԱԶԻԶԲԵԿՅԱՆ

Ցանկանում ենք Երևան քաղաքում տարբեր փողոցներում և տեսարժան վայրերում տեղադրել QR կոդ, որը սկանավորելուց օգտատերը կարող է իր ընտրած լեզվով աուդիո տարբերակով լսել այդ տեղի նկարագրությունը։ Այնուհետև տեքստի ավարտին կլինի հուշում, թե ուր է հարկավոր գնալ հաջորդ տեսարժան վայրը տեսնելու և աուդիոն լսելու համար։ Ծրագիրը կարող է լինել մի քանի ժամանոց, սակայն նույնիսկ մասնավոր QR կոդեր սկանավորելուց, այն կլինի ինֆորմատիվ։

Ամբողջը լսելիս զբոսաշրջիկը լիարժեք ինֆորմացիա ձեռք կբերի Երևանի մասին, և հնարավորություն կունենա առանց քարտեզի կամ զբոսավարի օգնության հեշտությամբ և հետաքրքիր կերպով զբոսնել Երևանում։ 

Այս պահին մենք փորձնական ձայնագրել ենք Հանրապետության Հրապարակի վերաբերյալ տեքս, և միայն 4 լեզվով։ Նախատեսում ենք նախագագիծը հասանելի դարձնել հնարավորինս շատ լեզուներով։

Բոլոր լեզուներով տեքստերի ձայնագրությունները կատարվելու են ձայնագրման ստուդիայում։ 

suggest image
Կարգին զբոսայգի

09-10-2019

ԱՆԱՀԻՏ ԷՎՈՅԱՆ

Առաջարկս վերաբերում է Երևանի կենդանաբանական այգուց մինչև Նոր Նորքի Կրպեյանի անվան զբոսայգի ընկած հատվածին:

Այստեղ այժմ անբարեկարգ, կիսականաչապատ տարածք է (լուսանկար 3)

 

Առաջարկում եմ `

  1. մաքրել տարածքը ծառերը հատող և բոստաններ «կերտող» մեր համաքաղաքացիներից (լուսանկար 3),
  2. կատարել ծառատունկ, բարեկարգել տարածքը, ապահովել  արհեստական լուսավորությամբ (լուսանկար 1,2,3 ),
  3. ստեղծել գեղեցիկ, հարմարավետ արահետ, որը կկապի Նոր Նորքի` Կրպեյանի անվան այգու հասարակական տարածքը կենդանաբանական այգու հասարակական տարածքի հետ, և հնարավորություն կստեղծի Կրպեյանի անվան այգու կողմից քայլելով` երեխաների հետ գնալ Կենդանաբանական այգի և վերադառնալ (լուսանկար 1,2,3),
  4. ստեղծել հեծանվուղի, որը հնարավորություն կտա պտտվել այգու շուրջը: Ուղիղ գծով քննարկվող տարածքն ունի մոտ 1,5  կմ երկարություն, իսկ հեծանվուղին կարող է ունենալ մոտ 4.0 կմ երկարություն:
Տեսնել բոլորը