Չվացուցակ մետրոյի դրամարկղների մոտ

Տրանսպորտ

12-07-2019

Պ. ՄԱՐԳԱՐՅԱՆ

Առաջարկներ՝ 2

Առաջարկ

Ես շատ հաճախ եմ երթևեկում մետրոյով և շատ դեպքեր են եղել, երբ շտապում եմ, դրամարկղից մինչև կայարան իջնում եմ  տեսնում եմ, որ գնացքը հենց նոր շարժվեց, ինչը շատ տհաճ իրավիճակ է երբ շտապում ես: Վստահ եմ շատերի մոտ է նման տհաճ իրավիճակ հանդիպել:

Եթե շտապող ուղևորը դրամարկղի մոտ տեսնի որ գնացքը կանգնած է կայարանում, կարող է ավելի արագ մոտենալ գնացքին և հասցնել նստել այդ գնացքը: 

Երևանի մետրոպոլիտենի Ուղևորահոսքը մեկ օրում‎: ‎40 000,   Ուղևորահոսքը մեկ տարում‎: ‎14 929 100

Այս առաջարկի նպատակն է շտապող մարդկանց ժամանակի խնայումը:

Այս ուղևորափոխադրումների քանակի դեպքում պատկերացրեք ինչքան ուղևորների ժամանակ կխնայվի:

Լուծում

Որպես գաղափարի լուծում առաջարկում եմ կայարանների դրամարղների մոտ տեղադրել մոնիտոր , որտեղ զետեղված կլինի  անհրաժեշտ ինֆորմացիա: Օրինակ կարելի է հասարակ լուծում տալ, ամեն կայարանում կա ցուցատախտակ որտեղ նշված է քանի րոպե առաջ է անցել գնացքը, Այդ ինֆորմացիան կարելի է փոխանցել դրամարկղի մոնիտորին:

10 հատ կայարանի համար կարելի է տեղադրել 9 հատ մոնիտոր (բացի Չարբախ կայարանը,այնտեղ դրամարկղը կայարանի մոտ է), 

1 հատ մոնիտորը արժի 80 000- 120 000 դրամ: Գաղափարը ամբողջությամբ կարծում եմ հնարավոր կլինի կատարել 1 500 000 դրամով։

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՊԵՏՐՈՍ ՄԱՐԳԱՐՅԱՆ

07-25-2019 12:05:31

Էն պահը չի լինի , էն , որ վազելով հասնում ես վագոնի դռներին, մեկ էլ շըրըխկ դռները փակվում են դեմքիտ :)

ԳՍ
ԳՐԻԳՈՐ ՍԱՆԴԱԼՋՅԱՆ

07-25-2019 11:50:20

Հոյակապ միտք. Ամեն անգամ ավելորդ չենք նեռվայնանա գնացքի հետևից ուշացած վազելուց.

ՎԱՐԴԳԵՍ ԳՐԻԳՈՐՅԱՆ

07-14-2019 23:43:59

Հրաշալի գաղափար, միշտ մտածել եմ ում դիմել այս հարցով... մանրակրկիտ ներկայացված է, վստահ եմ կիրագործվի !

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Առողջարար բոբիկ այգի Երեւանում

06-10-2019

ԱՐՏԱԿ ԲԵԳՆԱԶԱՐՅԱՆ

Առաջարկում եմ Երեւանում կառուցել առողջարար բոբիկ այգի: Այգին այցելուներին հնարավորություն կտա ոտաբոբիկ քայլել տարբեր չափերի, կոշտության եւ ձեւի բնական նյութերի վրայով, որոնք իրենց հերթին կխթանեն մարմնում տարբեր ֆունկցիաների ակտիվացմանը:

Այգու նպատակն է՝
1. Հնարավորություն ստեղծել քաղաքացիների համար քաղաքում վայելելու բոբիկ քայլելու հաճույքը,
2. Ստեղծել զգայական կապ Երկրի հետ,
3. Նպաստել առողջությանը հասանելի եւ բնական միջոցներով:

Տարբեր չափերի, ձեւի, կոշտության եւ խտության նյութերի հպումը նպաստում են ոտնաթաթի եւ մարմնի տարբեր ֆունկցիաների ակտիվացմանը եւ բարելավմանը:

  Ինչու է ոտնաթաթի մերսումը օգտակար՝
1. Ոտնաթաթի մերսումը հանգստացնում է մարմինը,
2. Զարգացնում է ոտնաթաթի մկանները,
3. Նպաստում է մարմնում արյան շրջանառությանը, ինչն իր հերթին դրական է ազդում մաշկի հյուսվածքների վրա,
4. Կանխում է գլխացավը եւ այլ խրոնիկ ցավեր,
5. Կարգավորում է արյան ճնշումը,
6. Նպաստում է ոտքերի առողջությանը,
7. Նպաստում է մարմնում առողջ նյութափոխանակությանը,
8. Խթանում է մարսողությունը եւ կենսական կարեւոր այլ գործառություններ,
9. Նպաստում է մարմնում ճարպերի վերացմանը,
10. Կանխում է փորկապությունը եւ սթրեսի ախտանիշները:

suggest image
Բնապահպանություն և առողջ ապագա

30-07-2019

ԱՐԿԱԴՅԱ ԳԵՎՈՐԳՅԱՆ

1. Աջափնյակ վարչական շրջանի Նորաշեն թաղամասի /16 թաղ/ առաջին շղթայի այգում ոռոգման համակարգը կատաստրոֆիկ վիճակում է, ինչի պատճառով մոտ 15 ծառ արդեն չորացել են, իսկ նույնքան ծառ էլ չորացման ճանապարհին են: Հարցի կապակցությամբ դիմել եմ քաղաքապետարան, որտեղից ստացված պատասխանի համաձայն ջրի ճնշումը չի բավականացնում և կձեռնարկեն միջոցներ, սակայն ծառերը շարունակում են չորանալ: Այգու ոռոգման համակարգը ավելի քան 30 տարեկան է, մաշված է թե ֆիզիկապես, թե բարոյապես: Ոռոգման խողովակաշարի բազմաթիվ հատվածներում առկա են ծակեր՝ ժամանակի ընթացքում տնկված ծառերը ջրելու համար, ինչի հետևանքով էլ ընկնում է ճնշումը և ավելի հեռու գտնվող ծառերին ջուր չի հասնում: Անհամաչափ ոռոգման պատճառռով այգու որոշ հատվածներ կորում են ջրի տակ, մինչդեռ որոշ հատվածներ անխնա չորանում են:

2. Նույն այգում առկա են խաղահրապարակներ և մարզահրապարակներ: Մարզահրապարակներում տեղադրված մի քանի մարզասարքեր /տուռնիկներ, զուգափայտեր և այլ մետաղյա կոնստրուկցիաներ/ չափազանց հին են և ֆիզիկապես մաշված: Ավելին, այդ մարզասարքերը չափազանց վտանգավոր են այն հարյուրավոր երեխաների կյանքի և առողջության համար, ովքեր ամեն օր բառի բուն իմաստով կախված են այդ մարզասարքերից: Վտանգավորություն ներկայացնում են ոչ միայն այդ մարզասարքերի ֆիզիկական մաշվածությունը և կոտրվելու մեծ հավանականությունը, այլ այդ մարզասարքերի դուրս ցցված բետոնյա  հիմքերն ու տեղադրված եզրաքարերը, որոնք ամեն վարկյան կարող են անդառնալի վնաս պատճառել այդ մարզասարքերից օգտվող անձանց:

3. Այգու լուսավորությունը: Լուսավորված է այգու մոտ 10-15 տոկոսը, ընդ որում ոչ խաղահրապարակները և ոչ էլ մարզահրապարակները լուսավորված չեն: Մութն ընկնելուն պես դատարկվում է այգին, խաղահրապարակն ու մարզահրապարակը, ինչը ցավոք սրտի նպաստում է, որ մեր երեխաները ավելի շուտ գամվեն հեռախոսներին ու պլանշետներին ինչի վնասակար հետևանքները բոլորիս են հայտնի:

Տեսնել բոլորը