Առողջարար բոբիկ այգի Երեւանում

Կանաչ քաղաք և բարեկարգում

06-10-2019

ԱԲ

Ա. ԲԵԳՆԱԶԱՐՅԱՆ

Առաջարկներ՝ 1

Քվեարկողներ

Առաջարկ

Առաջարկում եմ Երեւանում կառուցել առողջարար բոբիկ այգի: Այգին այցելուներին հնարավորություն կտա ոտաբոբիկ քայլել տարբեր չափերի, կոշտության եւ ձեւի բնական նյութերի վրայով, որոնք իրենց հերթին կխթանեն մարմնում տարբեր ֆունկցիաների ակտիվացմանը:

Այգու նպատակն է՝
1. Հնարավորություն ստեղծել քաղաքացիների համար քաղաքում վայելելու բոբիկ քայլելու հաճույքը,
2. Ստեղծել զգայական կապ Երկրի հետ,
3. Նպաստել առողջությանը հասանելի եւ բնական միջոցներով:

Տարբեր չափերի, ձեւի, կոշտության եւ խտության նյութերի հպումը նպաստում են ոտնաթաթի եւ մարմնի տարբեր ֆունկցիաների ակտիվացմանը եւ բարելավմանը:

  Ինչու է ոտնաթաթի մերսումը օգտակար՝
1. Ոտնաթաթի մերսումը հանգստացնում է մարմինը,
2. Զարգացնում է ոտնաթաթի մկանները,
3. Նպաստում է մարմնում արյան շրջանառությանը, ինչն իր հերթին դրական է ազդում մաշկի հյուսվածքների վրա,
4. Կանխում է գլխացավը եւ այլ խրոնիկ ցավեր,
5. Կարգավորում է արյան ճնշումը,
6. Նպաստում է ոտքերի առողջությանը,
7. Նպաստում է մարմնում առողջ նյութափոխանակությանը,
8. Խթանում է մարսողությունը եւ կենսական կարեւոր այլ գործառություններ,
9. Նպաստում է մարմնում ճարպերի վերացմանը,
10. Կանխում է փորկապությունը եւ սթրեսի ախտանիշները:

Լուծում

Երեք տարի առաջ էր, երբ առաջին անգամ այցելեցի Գերմանիայի անտառներից մեկում գտնվեղ "Բոբիկ այգի"։ Միտքն ինձ շատ դուր եկավ,  իսկ ապրումները պարզապես աննկարագրելի էին։

Այգու կարեւոր բաղկացուցիչ մասերն են՝
1. Կոշիկների պահարաններ,
2. Ոտքերը լվանալու ցնցուղ,
3. Նստարաններ:

Ի լրացում՝ այգու տարացքում կարող են լինել՝
1. Բացօթյա կինոթատրոն,
2. Մանկական խաղահրապարակ,
3. Փոքրիկ բեմ՝ կենդանի երաժշտության եւ ներկայացումների համար,
4. Խաղադաշտեր (վոլեյբոլ, բասկետբոլ, սեղանի թենիս եւ այլն):

Հնարավոր նյութերի ցանկը կարող է ներառել՝
1. ծովի ավազ,
2. խոշոր քարեր,
3. մանր քարեր,
4. թարմ խոտ (գազոն),
5. չոր խոտ,
6. տարբեր տեսակի փայտեր,
7. ծառերի լայնակի կտրվացքներ,
8. ցեխ,
9. գինու շշի խցաններ,
10. եղեւնու կոն,
11. կավ,
12. մարմար,
13. մանրացրած ծառի կեղեւ,
14. ծովախեցիներ,
15. շագանակներ,
16. մրգերի գնդաձև կորիզներ (կեռաս, բալ...):

Ավելի մանրամասն ուսումնասիրելով այգու կենսագրությունը՝ տեղեկացա, որ "Բոբիկ"  այգիները նորություն են Գերմանիայում և հեղինակները հենց գերմանացիներ են։ Առաջին Բոբիկ այգիները հայտնվել են 10-20 տարի առաջ։  Մի քանի այլ նման այգիներ կան նաև Գերմանիայի հարևան երկրներում։  Քայլուղիների երկարությունը կարող է տատանվել 10 - 100 մետրի սահմաններում։ Իսկ մնացյալ մակերեսը սովորաբար լինում է թարմ խոտ (գազոն)։

Ազատությունը բոբիկ են զգում ))

Հասցե` Հայաստան, Երևան, Հաղթանակ զբոսայգի

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Առաջարկը կիրականացվի Երևանում գոյություն ունեցող այգիներից մեկում

Առաջարկը անցնելու դեպքում Երևանի քաղաքապետարանը կընտրի այգի մայրաքաղաքի տարածքում, որտեղ էլ ծրագիրը կիրականացվի:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՌՎ
ՌՈՒԲԵՆ ՎԱՐԴԱՆՅԱՆ

10-13-2019 13:31:52

Համոզիչ է։

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Բարեկարգ և գրավիչ մարզադաշտ Դավթաշենում

08-08-2019

ԱՐՓԻՆԵ ԱՐԶՈՒՄԱՆՅԱՆ

Ծրագրի նպատակն է խթանել Երևանում հեծանիվ վարելու մշակույթը, քաղաքացիների առողջ ապրելակերպը և հաճելի ժամանցի ստեղծումը: Գաղտնի չէ, որ Երևանը հարմարեցված չէ հեծանվավարության, հեծանվասպորտով զբաղվելու համար, թեպետ քաղաքացիների շրջանում հեծանվասպորտի նկատմամբ հետաքրքրությունը աճում է: Հայտնի է, որ հեծանվավարությունը առողջության պահպանման և ամրապնդման արդյունավետ տարբերակ է և ժամանցի միջոց: Եվրոպական երկրներում ընդունված մշակույթ է այն՝ առանց տարիքային սահմանափակման կիրառվում է բնակիչների կողմից: Հայաստանում այս մշակույթի զարգացմանը նպաստող գործոնները, թերևս, բավարար չեն և տևական գործընթաց է պահանջում ոլորտի զարգացումը ապահովելու համար: 

Իմ առաջարկը փոքր ներդրում կարող է լինել այս ամենում: Վերջերս ինքս հեծանիվ եմ գնել՝ նպատակ ունենալով առողջ ապրելակերպով զբաղվել և իմ ժամանցը կազմակերպել այն վարչական շրջանում, որտեղ բնակվում եմ, սակայն ինքս բախվեցի այն խնդրին, որ Դավթաշեն վարչական շրջանում բարեկարգ և հարմարեցված տարածք չկա այդ նպատակի իրագործման համար:

Ամենից հարմարը դպրոցների բակերն են. նույն նպատակով դպրոցների բակերում և հարակից տարածքում հավաքվում են բնակիչներ՝ երեխաներ, պատանիներ, մեծահասակներ՝ իրենց ժամանցն անցկացնելու, հեծանիվ վարելու, զրուցելու, երեխաներին զբոսանքի տանելու: 

Այդպիսի մի տարածք է նաև Դավթաշեն վարչական շրջանի 199 և 196 դպրոցների հարևանությամբ գտնվող բացօթյա մարզադաշտը և դպրոցների բակերը:

Օրվա տարբեր ժամերին մարզադաշտում կարող եք տեսնել վազորդների, հեծանիվ վարողների, սակայն այն անհրապույր է, անբարեկարգ, հնացած և չմոտիվացնող:

Մարզադաշտի անմիջապես հարևանությամբ գտնվող 199 դպրոցի բակի տարածքը նույնպես երեկոյան ժամերին մարդաշատ է. ծերեր, երեխաներ, պատանիներ այդտեղ անցկացնում են իրենց ժամանցը: Դպրոցի բակն ավելի բարեկարգ է, սակայն հարակից մարզադաշտը վատթար վիճակում է. մարզադաշտի բարեկարգումը թույլ կտա ընդհանուր գեղեցիկ միջավայր ստեղծել՝ համախմբելով ժամանցը և սպորտը:

Առաջարկում եմ մարզադաշտի տարածքը բարեկարգել՝ ճաքալցում կատարել՝ ասֆալտապատելով ամբողջ մարզադաշտը, եզրերը կարգի բերել, լույսեր տեղադրել քաղաքացիների երեկոյան զբոսանքի ապահովման և հեծանվավարությունը անվտանգ և հաճելի կազմակերպելու համար, մարզադաշտի եզրերին մոտ տեղադրել նստարաններ, փոքր-ինչ կանաչապատել, ինչպես նաև տեղադրել որևիցէ թեմատիկ մոտիվացնող արձան՝ սպորտի և առողջ ապրելակերպի վերաբերյալ:

Հույս ունեմ, որ այն իրականություն կդառնա և ավելի լայն տարածում կգտնի՝ ներառելով բոլոր վարչական շրջանները:

suggest image
Ազատ ավտոկայանատեղիները ցույց տվող ծրագրային ապահովում

06-08-2019

ՆՈՐԱՅՐ ՄԵԼՔՈՒՄՅԱՆ

Քաղաքում ազատ ավտոկայանատեղի գտնելը իրական գլխացավանք է վարորդների համար։ Հաճախ ստիպված ենք լինում շրջել փողոցներում գտնելու համար ազատ ավտոկայանատեղիներ։ Դա պատճառում է ժամանակային, ֆինանսական և այլ կորուստներ։ Առաջարկում ենք Մոբայլ Հավելված, որը ցույց կտա քաղաքում ազատ ավտոկայանատեղիները իրական ժամանակում։ Օգտատերերը հավելվածի միջոցով կտեսնեն ինչպես մոտակա, այնպես էլ իրենց ցանկալի փողոցում ազատ և զբաղված ավտոկայանատեղիների վերաբերյալ տվյալներ։ Ընտրելուց հետո տվյալ փողոցը կամ կայանատեղին, նավիգացիոն համակարգը կուղղորդի վարորդին դեպի տվյալ կայանատեղի։ Այդ ընթացքում եթե կայանատեղին դառնա զբաղված, ձայնային հաղորդագրությունը կտեղեկացնի դրա մասին վարորդին և կառաջարկի այլ ազատ ավտոկայանատեղի տվյալ հատվածում։ Հավելվածը ունի որոնողական ֆունկցիա, որի միջոցով վարորդները կարող են որոնել այն փողոցը կամ հատվածը որտեղ ցանկանում են կայանել, և ստանալ իրական ժամանակում ինֆորմացիա՝ արդյոք տվյալ փողոցում կա ազատ կայանատեղի, քանի հետ (այդ ամենը պատկերավոր երևում է հավելվածում), թե ոչ։ 

no image
Թափոնների կառավարում

29-09-2019

ՄԱՐԻՅԱ ԱՐՍԵՆՅԱՆ

Հարգելի պարոն քաղաքապետ,

Թափոնների կառավարման խնդիրը օրհասական է ամբողջ աշխարհի համար և դրանց հավաքման, տեսակավորման և օգտահանման կազմակերպումը ժամանակակից աշխարհի կարևորագույն մարտահրավերներից է:

Ինչպես ամբողջ աշխարհում, այնպես էլ Հայաստանում և հատկապես Երևանում մենք յուրաքանչյուր օր բախվում ենք այդ խնդրի հետ, որի լուծումը, գտնում եմ, որ պետք է լինի համակարգային և վերջնական, այլապես մեր քաղաքը կթաղվի աղբի մեջ:

Ինչ եմ ես առաջարկում, որպեսզի այս խնդիրը լուծվի նախ Երևանում, այնուհետև նաև ՀՀ մյուս մարզերում: 

Առաջարկ

Առաջարկում եմ Երևանում տեղադրել աղբի տեսակավորման համար նախատեսված աղբանաններ, աղբի հետևյալ տեսակների համար պոլիէթիլենային տարաների/թափոնների համար նախատեսված աբղանաններ, ապակյա տարաների/թափոնների համար նախատեսված աղբամաններ, թղթյա տարաների/թափոնների համար նախատեսված աղբամաններ և այլ թափոնների համար նախատեսված աղբամաններ: Սակայն այստեղ մենք ունենք երկու մեծ խնդիր:

Խնդիր 1. մեր հասարակությանը անհրաժեշտ է կրթեր, որպեսզի վերջիններս գիտակցեն աղբի տեսակավորման անհրաժեշտությունը և սոցիալապես լինեն պատասխանատու նախ իրենք իրենց և ապա նաև ապագա սերունդների համար:

Խնդիր 2. մենք ազգովի ինչ-որ բան անելուց փորձում ենք շահ փնտրել: Այս խնդրի լուծման համար կարող ենք ներդնել գերմանական փորձը. ինչ են անում գերմանացիները, գերմանացիները ունեն տեսակավորված աղբի ընդունման կետեր, որտեղ քաղաքացիները կարող են բերել աղբ (տեսակավորված, այսենք օրինակ պոլիէթիլենային շշեր) և դրա դիմաց ստանան անդորրագիր, որը հնարավոր է կանխիկացնել և ստանալ գումար: Այսինքն Պոլիէթիլենային շշերի ընդունման կետը քաղաքացուց ընդունում է թափոնը, այնուհետև կշռում է այն և դրա հիման վրա քաղաքացում տրամադրում է կտրոն կամ անդորրագիր, որը քաղաքացին կարող է ներկայացնել այսենք օրինակ առևտրային բանկ և դրա դիմաց ստանալ գումար: Հարկ է նաև այստեղ հասկանալ այդ գումարը Երևանի քաղաքապետարանից թե արտաբյուջետային միջոցներից պետք է ստանան քաղաքացիները (ինչու եմ նշել համայնքային բյուջեն, քանի որ չեմ իմանում արդյոք Հայաստանում կան վերամշակող կազմակերպություններ, որոնք հետաքրքրված կլինեն այս նախաձեռնությամբ):

Այսպիսով, քաղաքացիներին ֆինանսապես շահագրգռելով մենք միանշանակ կարող ենք շատ կարճ ժամանակահատվածում մեր քաղաքի աղբը հավաքագրել և տեսակավորել: 

Տեսնել բոլորը