Արևային տաղավար

Կանաչ քաղաք և բարեկարգում

29-09-2019

ՎԿ

Վ. ԿՈՉԿՈՅԱՆ

Առաջարկներ՝ 1

Քվեարկողներ

Առաջարկ

Խնդիրները հետևյալն են․

> Աշխարհը և հատկապես Հայաստանը ինդուստրիալիզացիայի և անկանոն ուրբանիզացիայի արդյունքում աղտոտում է շրջակա միջավայրը և անխնա օգտագործում չվերականգնվող բնական ռեսուրսները։
> Ալեքսանդր Թամանյանի՝ 20րդ դարի առաջադեմ քաղաքաշինական տենդենցներով նախագծած այգի-քաղաք Երևանը հետզհետե վերածվում է ավտոտնակ-քաղաք կամ ասֆալտ-սրճարան-քաղաքի։
> Վերոհիշյալ խնդիրների արդյունքում՝ թթվածնից, հանրային պասիվ և ակտիվ բնույթի՝ «հանրային շահ» հանդիսացող վայրերի պակաս ունեցող Երևանի բնակիչների քաղաքային կյանքը տխուր է անցնում՝ բառի ուղիղ և փոխաբերական իմաստներով։


Ներկայիս գիտությունը և ճարտարապետությունը շատ հնարներ ունեն այդ խնդրի լուծման համար։ Փորձ է արվել այդ երկուսը համատեղել՝ «Արևային տաղավարի» միջոցով, որը միտված է մարդկանց իրազեկելու, թե ինչ է իրենից ներկայացնում կայուն զարգացումը, ինչպես օգտվել կայուն զարգացումն ապահովող սարքերից և ինչպես հաճույք ստանալ քաղաքային միջավայրում։

Լուծում

«Հանրային շահ» անշունչ քաղաքական տերմինը «հավես»-ացման կարիք ունի։ Տաղավարի խնդիրն է օգնել Երևանի բնակիչներին առօրյա մանր-մունր հարցերում, դառնալ յուրօրինակ հանրային օգնական և կայուն զարգացման օրինակ։
Արևային տաղավարը արևային վահանակով քաղաքային արտաքին միջավայրում տեղադրվող տաղավար է (կարող է տեղադրվել ամենուր՝ միայն թե նայի արևին), որը ոչ միայն այլընտրանքային էներգիյա արտադրող միջոցներով սարքավորված օբյեկտ է։ Տաղավարում կլինեն նստարան և կարճ ժամանակով աշխատելու համար նախատեսված սեղան։ Տաղավարը իր ձևի շնորհիվ նստողներին կպաշտպանի անձրևից, արևից և այլ եղանակային անբարենպաստ պայմաններից, իսկ իր դիրքը այգում կձգի մարդկանց և կստեղծի շփվելու և այգում ժամանակ անցկացնելու տրամադրություն։ Տաղավարը կունենա հեծանիվներ կայանելու հարմարանք։
Ամենակարևորը, որ վահանակի շնորհիվ տաղավարը կօգնի արևից ստացված էներգիայով լիցքավորել հեռախոսները և լափթոփները։ Էներգիան կկուտակվի տաղավարի ներսում տեղադրված կուտակիչում և կծախսվի երեկոյան լուսավորման վրա և անընդհատ կսնուցի ներկառուցված wifi սարքը, որը կտարածի անվճար համացանց։

Իսկ ամենա «հավես»-ը հետևյալն է։ Վերոհիշյալ պրակտիկ «ունակություններից» բացի, տաղավարը կունենա մարդկանց տրամադրությունը բարձրացնելու հատկություն, ինչն այդքան պետք է այսօրվա երևանցուն։ Տաղավարին հնարավոր կլինի «լսել»՝ հատուկ նախատեսված տեղից ականջակալներ միացնելով՝ պարզ ծրագրավորման արդյունքում տաղավարը կախված օրվա ժամից կկիսվի իր սիրած երգերով, կպատմի տարածաշրջանին հատուկ պատմություններ և այլն։ Դրանից բացի, երեկոյան տաղավարին մոտենալուն, կամ սարք միացնելուն պես այն կարձագանքի իր մեջ ներկառուցված լուսային սարքերի միացման-անջատման տարբեր կոմբինացիաներով։ Ինչպես նաև տաղավարը կունենա «գրպանիկներ» որոնց միջոցով մարդիկ կփոխանակվեն նվերներով, վերցնելով պահածը և փոխարենը նորը դնելով, ուրիշ անծանոթի կամ ծանոթի համար։

Եվ վերջապես, նախագիծը կհանդիսանա վերականգնվող էներգիայի առավելությունները ցուցադրող հանրային օբյեկտ, մարդիկ օգտվելով վերականգնվող էներգիայից կհասկանան դա ինչ է և ինչքան «լավ է»։

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Իրականացումը որոշ չափով կարող է տարբերվել

Կայքի կանոնների համաձայն՝ ստացված առաջարկներն ու դրանց իրականացումը որոշ չափով կարող են տարբերվել:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՄՏ
ՄԱՐԻՆԵ ՏՈՆԻԿՅԱՆ

11-10-2019 16:24:18

Եթե  առաջարկը գոնե որոշ չափով կնպաստի արևի էներգիայի օգտագործմանը, ապա կարելի է ընդունել այդ նախագիծը և շարունակել աշխատանքները այդ ուղղությամբ։ 

ԱԶ
ԱՆՆԱ ԶԻԼՖՈՒՂԱՐՅԱՆ

10-31-2019 16:27:45

Շատ լավ առաջարկ է, միանշանակ անհրաժեշտ եւ ժամանակակից!

ՎԳ
ՎԱՉԱԳԱՆ ԳՐԻԳՈՐՅԱՆ

10-28-2019 10:45:21

Հոյակապ առաջարկ է,գրագետ և մոդեռն :

ՄԷ
ՄԱՐԻԱՄ ԷՄԵՔՍԻԶՅԱՆ

10-22-2019 01:28:05

Հպարտանում եմ:

Էս որակի առաջարկներ կուզեի ավելի՛ շատ տեսնել: 

ԻԲ
ԻՎԵՏԱ ԲԱՂԴԱՍԱՐՅԱՆ

10-14-2019 13:13:25

Գրագետ առաջարկ,որը կարող է տեղակայվել համալսարաններին մոտ,ծառայելով ուսանողներին :

ԼԹ
ԼՈՒՍԻԿ ԹՈՎՄԱՍՅԱՆ

10-12-2019 20:47:10

Մի քիչ ակտիվ տարածեք այս լավ բանը, ում եք սպասում?

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
«Շների Այգի» նախագիծ

11-07-2019

ՄԻՔԱՅԵԼ ԿԻՐԱԿՈՍՅԱՆ

• Շների այգու նպատակն է ստեղծել ցանցապատ հանրային տարածք, որտեղ տարբեր ցեղատեսակի շներն առանց վզկապների կվազվզեն ու կխաղան՝ հաճելիորեն իրենց վրա սևեռելով այգում իրենց հանգիստը վայելող մարդկանց և հատկապես երեխաների ուշադրությունը: 
• Այգու նպատակն է ստեղծել շների հետ երեխաների մտերմության այնպիսի բարենպաստ պայմաններ, որոնց շնորհիվ, բացի շների նկատմամբ նրանց հետաքրքրությունից, կկոտրվի կենդանիների հանդեպ վախի զգացումը ու դրանից բխող տարաբնույթ ագրեսիայի դրսևորումը:
• Շների այգու մի փակ հատվածում կտեղակայվի կորած շների ժամանակավոր կացարան, որտեղ կխնամեն նրանց՝ մինչ շնակորույս տերերի հայտնվելը: 
• Իրականացնելով այս ծրագիրը, մենք կաջակցենք հատկապես բնակարանային պայմաններում շուն պահողներին՝ նրանց տանելու ազատ, բարեկեցիկ, ապահով, խոտային ծածկույթով բնական, մաքուր ընդարձակ միջավայր, որտեղ կպահպանվեն ու կզարգանան բնությունից շներին տրված բնազդները՝ ուժը, վազքի արագությունը, ճարպկությունը...
• Շների այգին կունենա երկու առանձնացված հատված մեծ և փոքր շների համար, ինչպես նաև հատուկ մասնագետներ, ովքեր ոչ միայն կհետևեն այգում տարվող ամենօրյա աշխատանքներին այլ կզբաղվեն շների վարժեցմամբ: 
• Շների այգում կիրականացվեն շնային մրցաշարեր և խաղեր շներին զարգացնեու և տերերին զբաղեցնելու համար, ինչպես նաև կտեղադրվեն մարզվելու զանազան սարքավորումներ, շներին լավագույն մարզավիճակ ապահովելու համար:
• Շների այգու առավելությունն է՝ լինել միակը տարածաշրջանում, ունենալով հարմարավետ և ապահով միջավայր, շների ժամանց և տարաբնույթ միջոցառումներ կազմակերպելու համար:
• Իրականացնելով այս ծրագիրը, մենք, ի ուրախություն շնատերերի, ոչ միայն կապահովենք բարեկեցիկ, ապահով, մաքուր և օրինակելի միջավայր իրենց սիրելի շների համար, այլև այդպիսով տուրիզմի զարգացման ևս մի խթան կհանդիսանանք: 
• Մենք դիտարկել ենք կանաչապատ տարածք՝ Դավիթաշեն համայնքում գտնվող այգու վերջնամասում, որն անհրաժեշտ է ցանկապատել՝ շների առօրյան ավելի հարմարավետ և բարեկեցիկ դարձնելու համար:

Տեսնել բոլորը