Ամենագեղեցիկ դիտահորերը և փողոցի հետիոտնային անցումները Երևանում

Կանաչ քաղաք և բարեկարգում

05-09-2019

ԷԱ

Է. ԱՆԴՐԻԿՅԱՆ

Առաջարկներ՝ 3

Առաջարկ

Առաջարկում  եմ  Երևան քաղաքի  դիտահորերի կափարիչները զարդարել գեղեցիկ և յուրօրինակ նկարազարդումներով:

Նպատակը

Զարդարել Երևանի փողոցները  փոքրիկ անսպասելի գեղարվեստական  անակնկալներով: Այդ վառ գույները կաշխուժացնեն  քաղաքային լանդշաֆտները: Դրանք  իսկական փողոցային արվեստի նմուշներ կլինեն: Այդ կերպ զարդարված դիտահորերը իրենց  բարձր գեղարվեստական ​​գեղեցկությամբ կգրավեն զբոսաշրջիկների ուշադրությունը:

 

Լուծում

Որպես  լուծում առաջարկում եմ  հայտարարել «Ամենագեղեցիկ  փողոցային  արվեստը» մրցույթը: Այդ գաղափարը  կառաջացնի  մրցակցություն՝ Երևանի վարչական շրջանների միջև: Նրանք կմրցեն  միմյանց  հետ՝ զարդարելով քաղաքի դիտահորերը վառ, մեկը մյուսից գեղեցիկ և  բազմաբնույթ նախշերով:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՀԽ
ՀԱՅԿ ԽԱՉԱՏՐՅԱՆ

11-08-2019 11:46:36

Նախ՝ դիտահորերի կափարիչները լուրջ խնդիր են երթևեկության անվտանգության համար։

99 % դեպքերում դրանք տեղակայված են ասֆալտի մակարդակից բավականին ցածր ու  արհեստական փոսեր են գոյացրել։

Ստիպված կա՛մ պիտի շրջանցես դրանք, որը լի է վտանգներով ու շատ հաճախ ավտովթարի պատճառ կարող է դառնալ, կա՛մ էլ անցնես այդ փոսերի վրայով ու կոտրես ավտոմեքենան։

Երկրորդ՝ նկարազարդված կափարիչները կարող են շեղել վարորդների ուշադրությունն ու նույնպես վթարների պատճառ դառնալ։

Հետևաբար՝ ավելի նպատակահարմար է լուծել փոսերի խնդիրը և դարձնել կափարիչներն ավելի աննկատ ու անվտանգ։

ԱՄ
ԱՆԻ ՄՈՒՐԱԴՅԱՆ

10-23-2019 15:20:39

Լավ կլիներ սկզբից Ավսրիայի և Գերմանիա փորձը սովորել, դիտահորը փոխել 12-15 րոպեում, իդելական, հավասար, հետո նկարազարդել: 
Իսկ գեղեցիկ դիտահորեր մի քանիսը ունենք, Ազատության հրապարակում, անավարտ նախագիծ: Խաղողներով և նռերով դիտահորեր քաղաքում տարբեր տեղեր: ուղղակի մեկ-մեկ պետք է նայել ոտքի տակ: 

ՍԹ
ՍՏԵԼԼԱ ԹԱՐԻՎԵՐԴՅԱՆ

10-18-2019 12:38:29

Առաջին հայացքից հետաքրքիր գաղափար է, սակայն երկու խնդիր՝
1․ Հիմնականում դիտահորերը գտնվում նե փողոցների վրա, նկարազարդված դիտահորերը տեսողական դժվարություն կստեղծեն վարորդների համար

2․ Չմաշվող, չջնջվող նյութերով պետք է ներկվի, այլապես անընդհատ թարմացնելու կարիք կառաջանա, իսկ դա գրեթե անհնար է

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

no image
Գովազդային վահանակներին  նոր բովանդակություն

24-09-2019

ԱՐՄԵՆ ԿԱՐԱՊԵՏՅԱՆ

Կարծում եմ՝ մայրաքաղաքի կենտրոնում տեղադրված գովազդային վահանակներին նոր շունչ, որակ և բովանդակություն հաղորդելու ժամանակն է եկել:

Արդեն գոյություն ունեցողներից շատերը ակտուալ չեն ,իսկ գովազդին կից Հայաստանին կամ Մեծ հայերին վերաբերվող տեղեկատվությունը restart-ի կարիք ունի: Նկատել եմ,որ զբոսաշրջիկներից շատ քչերն են կանգնում նըանց առջև: Հետաքրքիր կլինի նոր մատուցմամբ ներկայացնել այն մեր հայրենակիցներին,որոնք մեծ ավանդ ունեն համաշխարհային գիտության, արվեստի, սպորտի մեջ, բայց որոնք քիչ ծանոթ են լայն հանրությանը: Օրինակ, MRT-ի (Ռայմոնդ Դամաղյան), բանկոմատի, մեխանիկական փոխանցման տուփի, գունավոր հեռուստատեսության, լուսնագնացի(«Луноход»), այսօր Մարսի վրա աշխատող «Curiosity» մարսագնացի, բարձր տեխնոլոգիաների բնագավառից (սկսած Խորհրդային Միության առաջին համակարգիչներից մինչ մեր օրերը) հայտնագործողները, սպորտից՝ Ալեն Պրոստ (Formula 1), Անդրէ Աղասի, Ալբերտ Ազարյանի «խաչը», հոկեյի և ֆուտբոլի օլիմպիական և աշխարհի չեմպիոններ և այլն : Անակնկալները շատ են ...

Տեսնել բոլորը