Աղբի տեսակավորում

Այլ

26-08-2019

ՀԳ

Հ. ԳԻՇՅԱՆ

Առաջարկներ՝ 1

Առաջարկ

Յուրաքանչյուր համայնքում մի քանի տեղ հատկացնել հատուկ հարմարեցված տարածքներ, որտեղ հնարավոր կլինի տեսակավորած աղբ, իսկ ավելի ճիշտ թափոններ լցնել և ոմանց տալ իրավունք դրանք տնօրինելու:

Եթե ֆինանսները բավարարեն, մի հատ էլ աղբի սորտավորման կայան: Տեսանյութը՝ կից հղման մեջ:

Լուծում

Օրինակ թղթերի համար հատուկ բաժին ունենալ, և նա, ով կկամենա այդ թուղթը հանձնել սեփական միջոցներով կգրանցվի քաղաքապետարանում և կստանա արտոնություն դա անելու, մինչև որոշակի ժամանակով որոշակի պայմաններով, որոնք ամենևին կարևոր չեն: Օրինակ՝ պայման միշտ պահել աղբամանը ոչ ավել քան 80 տոկոս լցվածությամբ և ապահովել աղբամանի մաքրությունը:
Մեկ այլ սորտավորման կայանում կհավաքվեն բոլոր պլաստիկները, այդ թվում և պոլիէթիլենային տոպրակները, իսկ նա, ով կցանկանա տնօրինել հավաքված աղբը, կպարտավորվի այն տեսակավորել և հանձնել համապատասխան ընդունողներին կամ ուտիլիզացման կենտրոններ, փոխարենը կստանա որոշակի եկամուտ:
Նրանք, ովքեր անպետք հագուստ կունենան, հնարավորություն կտան բարեգործական կազմակերպություններին տնօրինել դրանք, քանի որ դրանք կարող են ինչ որ մարդկանց համար շատ կարևոր լինել, այդ թվում կենցաղային տեխնիկան, գույքը և այլն, որոնք պարզապես աղբամանը թափելու փոխարեն հնարավոր կլինի ինչ որ կերպ օգտագործել՝ երկրորդ կյանք տալով դրանց:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԾՇ
ԾՈՎԻՆԱՐ ՇԱԽԲԱԶՅԱՆ

12-27-2019 22:02:30

Նմանատիպ մի առաջարկով ցանկանում է նաև ես հանդես գալ,երբ իմացա այս կայքի մասին։))Դա ամենակարևորն է,որ պետք է սերմանենք մեր հասարակության մեջ։Արդեն իսկ սկսել եմ պոլիէթիլենի դեմ պայքարս։

ՆԲ
ՆԱԶԻ ԲԱՐՍԵՂՅԱՆ

10-24-2019 22:47:40

Արդի և շատ կարևոր խնդիր

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Մատչելիության ինքնագնահատման համակարգ

18-09-2019

ՄՈՒՇԵՂ ՀՈՎՍԵՓՅԱՆ

Թեև հաշմանդամություն ունեցող անձանց համար միջավայրի մատչելիության պարտադիր լինելն ամրագրված է օրենքով շուրջ 30 տարի, մշակված են բազմաթիվ իրավական ակտեր, սակայն այն դեռ խորթ է տնտեսվարող սուբյեկտների և հանրությանն այլ ծառայություններ մատուցողների համար։ Մատչելիության պահանջը հաճախ արժանանում է հակազդեցության ցածր իրազեկվածության և որոշ պայմանների անհնարին թվալու պատճառով։ Բարեկարգման շրջանակներում մատչելիության ապահովմանն ուղղված քայլերն էլ հաճախ անարդյունավետ են, քանի որ լայն շրջանակների համար հասանելի չէ մատչելիության շինարարական նորմերի վերաբերյալ տեղեկություններ, այդ թվում՝ ոչ մասնագիտական լեզվով։ 

Ծրագրային առաջարկի նպատակը Երևանում հանրությանը մատուցվող ծառայությունների մատչելիության և հաշմանդամության առումով զգայունության ապահովումն է։ Ծրագրի խնդիրներն են՝

  • ծառայությունների մատչելիության ապահովմանն աջակցելը, 
  • ծառայություն մատուցող ֆիզիկական և իրավաբանական անձանց՝ ծառայությունների մատչելիության վերաբերյալ իրազեկվածության բարձրացումը,
  • մատչելի ծառայություններ մատուցողների խրախուսումը։ 

Ծրագրի արդյունքում կարող է ակնկալվել յուրաքանչյուր տարում ծառայություն մատուցող շուրջ 2000 անձի մասնակցություն գնահատման գործին։

suggest image
Քաղաքացի֊կամավոր

28-09-2019

ԳՈՒՐԳԵՆ ՀԱԿՈԲՅԱՆ

Նպատակը

Հաշվի առնելով ՀՀ պետբյուջեի դեռևս սուղ միջոցները և պետության առաջ ծառացած բազմաթիվ խնդիրները, առաջարկվում է մտցնել նոր մշակույթ՝ քաղաքացի֊կամավոր։ Դրա հիմնական նպատակն է՝ մեծ օբյեկտների (մետրոյի կայարաններ, մարզադաշտեր, գործարաններ և այլն) և ճանապարհների շինարարության, ռազմարդյունաբերության (զինվորական համազգեստի,  զինամթերքի և այլ պարագաների արտադրության), բնապահպանության (ծառերի տնկում, շրջակա միջավայրի աղտոտվածության վերացում) և այլ ոլորտներում քաղաքացիների ներգրավումը՝ որպես կամավորականներ։ Յուրաքանչյուր ոլորտում կամավորականների կողքին պետք է աշխատեն պրոֆեսիոնալ մասնագետներ՝ համապատասխան վարձատրությամբ։ Այս ամենը թույլ կտա զգալիորեն կրճատել ծախսերը, ունենալ նոր ենթակառուցվածքներ՝ դրանցից բխող բոլոր այլ դրական հետևանքներով, և քաղաքացիներին հնարավորություն տալ սեփական ձեռքերով կառուցել իրենց երկիրը։

suggest image
Անվտանգ ճանապարհ դեպի դպրոց

15-07-2019

ԴԱՎԻԹ ԳԵՎՈՐԳՅԱՆ

Երևանի բավականին մեծ թվով ներբակային տարածքներում տեղաբաշխված դպրոց-մանկապարտեզներին մոտեցող ճանապարհները մայթ չունեն և հատկապես առավոտյան ժամերին երեխաները, ծնողներն ու մեքենաները միմիանց խառնված չափազանց վտանգավոր կերպով տեղ են հասնում:

Առաջարկվում է իրականացնել ծրագիր դպրոցներին և մանկապարտեզներին  հարող տարածքների երթևեկելի և հետիոտն մասերի տարանջատիչ անվտանգության հատվածների կազմակերպման համար։ Այս ծրագիրը իրականացվում է շատ քաղաքներում և պայմանականորեն կոչվում է «անվտանգ ճանապարհ դեպի դպրոց»:

Շուրջ 30 միլիոն դրամի շրջանակներում հնարավոր է ընտրված մի շարք դպրոցների /մանկապարտեզների/ հարակից տարածքներում աշխատանք իրականացնել: Շահառուները՝ երևանի բնակիչները, իսկ անմիջական շահառուներ՝ 150-200 հազար քաղաքացի: Հարցը ուղղակի վերաբերվում է երեխաների անվտանգությանը՝ անգամ եթե պատահարների վիճակագրությունը մեծ չէ: Հաշվի առնելով, որ մանկապարտեզներ երեխաները ինքնությույն չեն հաճախում, ծրագիրը նախապատվելի է սկսել հիմնական դպրոցների համար:

Տեսնել բոլորը