Ծառեր

Կանաչ քաղաք և բարեկարգում

05-08-2019

Լ. ԱՎԵՏՅԱՆ

Առաջարկներ՝ 5

Քվեարկողներ

Առաջարկ

Անհրաժեշտ է շատ արագ վերականգնել նախկին կանաչ տարածքները, քանի որ Երևանում ամռանը ջերմաստիճանը 40 աստիճանից բարձր է լինում: Կարելի է ստեղծել օնլայն քարտեզ կամ հավելված՝ փողոցների և այգիների հասցեներով: Յուրաքանչյուրս, երբ նկատենք այգիներից կամ մայթեզրերից ծառ է կտրվել կամ չկա, քարտեզի վրա հասցեն նշենք: Արդյունքում Երևանը շատ արագ կծառապատվի: Հաճախ հանդիպում են ծառերը, որոնք կտրված չեն, բայց չորանում են: Տվյալ հատվածում ոռոգման ջուր էլ կա, բայց մայթեզրերի ծառերը ջրվում են միայն անձրևներով, քանի որ այդ հատվածներում խողովակների խնդիր է լինում: Երբ դիմում ես թաղապետարան, ասում են՝ պիտի գաք դիմում գրեք, իսկ դա արդեն երկար ժամանակ պահանջող գործընթաց է: Եթե անմիջապես տվյալ հավելվածում հասցեներով նշենք, այդ խնդիրները արագ կկարգավորվեն:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԷՅ
ԷԴԳԱՐ ՅԱՂՄՈՒՐՅԱՆ

11-13-2019 00:59:44

Առաջարկում եմ ծառատունկ կազմակերպենք Երևանի ամբողջ տարածքում: Թեկուզ ամեն թաղամասին որոշ քանակ, բայց ամեն տարի կատարենք ծառատունկ: Վստահ եմ շատ քաղաքացիներ համաձայն կլինեն անձնական միջոցներով ձեռք բերեն տնկիներ, եթե քաղաքապետարանը կազմակերպի ծառատունկը և պարտավորվի հետագա հետևողական աշխատանքները իրականացնել:

ԱՄ
ԱՍԱՏՈՒՐ ՄԵՅՄԱՐՅԱՆ

10-24-2019 12:54:29

մալաթիա սեբաստիա թաղապետարանի այգին վերականգնեք ։ Ճիշտա ծառերը շատ են բայց այդ այգին մտնում ես քանդածա որ բարեկարգվի լավ կլինի 

ՆԹ
ՆԱԻՐԱ ԹԱԴԵՎՈՍՅԱՆ

10-23-2019 18:44:35

Խնդրում եմ ուշադրություն դարձնել Վարդան Մամիկոնյանի արձանի հարակից տարածքներին, անմխիթար վիճակ է։ 

ԼՈՒՍԻՆԵ ԱՎԵՏՅԱՆ

09-20-2019 13:43:39

Այս հարթակում քաղաքացիների քվեարկությամբ է որոշվելու, էնպես որ, եթե ծրագիրը հաղթեց, անպայման պիտի իրականացնեն: Մեծ հույս ունեմ, որ հենց կանաչապատման հետ կապված ծրագրերն էլ կհաղթեն:

ԼՈՒՍԻՆԵ ԱՎԵՏՅԱՆ

09-19-2019 11:32:05

Եթե այս հարթակում էլ ներկայացնեք, գուցե այս անգամ լուծում տան խնդրին: Շատ կարևոր հարցի եք անդրադարձել, եթե նկարներ կան արված, ու հրապարակեք՝ շատ լավ կլինի:

ԱՐՄԵՆ ԴԱՎԹՅԱՆ

09-19-2019 10:39:06

Ես ապրում եմ Քանաքեռ ՀԷԿ-ում:

Դա Երևանի կենտրոն չէ, բայց Երևանի շուրջ շատ կարևոր, կանաչ օղակի մի կարևոր մաս է, որը ժամանակին բավականին խնամված և, կարելի է ասել, ամենականաչ հատվածներից մեկն էր քաղաքում : Բազմիցս դիմել եմ (զանազան մեթոդներով) Արաբկիրի թաղապետարան, ում ենթակայության տակ է այդ թաղամասը, ինչպես նախկին, այնպես էլ ներկա իշխանությունների օրոք, ահազանգելով, որ երբեմնի այդ բուֆերային զոնան ոչնչացման եզրին է: Ցավոք արձագանք չի եղել ու չկա մինչ օրս..  Բազմամյա ծառեր են չորանում, ոռոգման համակարգի անմխիթար վիճակի պատճառով: Ասածս նա է, որ դեռ եղածը պիտի կարենան պահեն, նոտ նորը տնկեն

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

no image
Ջրի խնայողության համապարփակ փաթեթ

23-07-2019

ՀԱԿՈԲ ՄԱՆՈՒԿՅԱՆ

Աշխարհի խմելու ջրի պաշարները անսահման չեն: Մոլորակի բնակչությունը աճում է, դրա հետ մեկտեղ ավելանում է խմելու եւ ոռոգման ջրի պահանջարկը: Ըստ Ջրային ռեսուրսների խմբի (Water Resources Group)` 2050 թ. աշխարհի բնակչությունը կլինի 9 միլիարդ մարդ, որից 4 միլիարդը ապրելու է ջրային քրոնիկական դեֆիցիտի շրջաններում: Այսինքն, ջուրը կդառնա աշխարհի ամենաթանկ ռեսուրսը: Աշխարհում յուրաքանչյուր տարի մոտ երկու միլիոն երեխա է մահանում ջրի անբավարարությունից: Զարգացող երկրներում բնակչության գրեթե 50 տոկոսը անընդհատ տառապում է հիվանդություններից, որոնք առաջանում են, այսպես կոչված, «ջրային սովից»: Բացի այդ մարդկային կորուստներից, ջրի մատակարարման ճգնաժամը շատ երկրներում արգելակում է տնտեսական աճը: Հաջորդ հինգ տարիների ընթացքում Պարսից ծոցի երկրները նախատեսում են ներդնել շուրջ 100 մլրդ դոլար` հետագայում իրենց բնակչությանը ջրի պաշարներով ապահովելու համար: Այսպիսով, Քաթարը հայտարարել է 2017 թվականին ջրի յոթօրյա պաշարների պահպանման համար նախատեսված ռեզերվուարների շինարարության համար 900 մլն դոլար հատկացնելու մասին: Ավելին, Պարսից ծոցի համագործակցության խորհրդի երկրները համաձայնել են կառուցել 10,5 մլրդ դոլար արժողությամբ խողովակաշարը, որը ունի մոտ 2000 կմ երկարություն և կապում է Պարսից ծոցի երկրները իրար հետ: Նախագիծը ներառում էր նաեւ Օմանում երկու աղազատիչ կայանների կառուցումը `500 միլիոն խորանարդ մետր ջրի արտադրության համար, որով, խողովակաշարի օգնությամբ, կապահովվեն Պարսից ծոցի համագործակցության խորհրդի շրջանները, որոնք աղազատված ջրի մեծ կարիք ունեն:

Հայաստանում ստորերկրյա ջրերի պաշարները կազմում են շուրջ 3 միլիարդ խորանարդ մետր, որոնց մեծ մասը կենտրոնացած է Արարատյան դաշտի արտեզյան համակարգում: Լճերի կուտակված ջուրը (չհաշված Սեւանը) կազմում է մոտավորապես 300 մլն խորանարդ մետր, ջրամբարներում ` մոտ 1 մլրդ խորանարդ մետր: Սեւանի ջրային պաշարները հասնում են 35 միլիարդ խորանարդ մետրի: Սևանը հանդիսանում է Հայաստանի խոշորագույն ջրային ավազանը: Սեւանա լիճը Հայաստանում խմելու ջրի միակ խոշորագույն երաշխավորված աղբյուրն է: Արարատյան դաշտը ոռոգող ջրանցքների մեծ մասը, ինչպես նաեւ Հրազդանի կասկադի բոլոր 6 կայանները, ապահովվում են միայն Սեւանա լճի ջրերով:

Որոշ փորձագետների գնահատականներով, 2030-2040 թվականներին կլիմայի տաքացման եւ տեղումների նվազման պատճառով Հայաստանի ջրային պաշարները կկրճատվեն 20-25%ով: Ընդհանուր առմամբ, վերջին 10 տարիների ընթացքում Հայաստանում ջրի սպառումը զգալիորեն աճել է: Եթե ​​2000 թվականին այդ ցուցանիշը 1.8 միլիարդ խորանարդ մետր էր, ապա հիմա այն հասել է տարում 3 միլիարդ խորանարդ մետրի: Ավելին, սպառման աճը հիմնականում կապված է ջրի տեղափոխման կորուստների հետ: Այսպիսով, 2008 թ. պաշտոնական վիճակագրության համաձայն, տեղափոխման կորուստները կազմել են 32% 2002 թ. 25%ի փոխարեն: Ստացվում է, որ ճանապարհների վրա մենք տարեկան կորցնում ենք մոտ 1 մլրդ խորանարդ մետր քաղցրահամ ջուր: Եթե ​​մոտակա 10 տարիներին լուրջ փոփոխություններ չկատարվեն ջրի տեղափոխման համակարգում, ապա Հայաստանում ջրի խնդիրը կխորանա:

suggest image
Թռչնածառ

11-07-2019

ԿԱՐԵՆ ՆԱԶԱՐՅԱՆ

Սիրելի Երևանցիներ, առաջարկում եմ Երևանի այգիներից մեկում ստեղծել թռչնածառ:

Այսպիսի կրեատիվ արվեստի օբյեկտ ստեղծելով ոչ միայն կունենանք կրեատիվ քաղաք այլ նաև կօգնենք թռչուններին քանի որ շատ դեպքերում քաղաքում ապրող թռչունները ( Երևանցի թռչունները ՃՃՃ ) ձմռանը մտնում են խողովակների կամ այլ անցքերի մեջ և շատ դեպքերում էլ դա վատ ավարտ է ունենեւմ: Կամ ընդհանրապես թռչունների համար ապահով և հարմար պայմաններ ստեղծել:

Հիմնական պահանջներն են

  1. Անպայման այգում և ոչ կենտրոն համայնքում
  2. Մոտակայքում լինի ջրի աղբուր կամ ցայտաղբյուր
  3. Պահպանվեն տնակների պատրաստման ստանդարտները
  4. Մինչ սկսելը խորհրդակցել բանապահպանույան նախարարության հետ

Ըստ մասնագետներ այսպիս արվեստի օբյեկտը կարող է ծառայել 7-10 տարի: Միայն կցանկանայ ավելացնել տեղադրված նկարներում գույանվոր տնակների փոխարեն լինեին ավելի կրեատիվ տնակներ:

Տեսնել բոլորը