Ցայտաղբյուրների ջրի խնայողություն

Բնապահպանություն

16-07-2019

Պ. ՄԱՐԳԱՐՅԱՆ

Առաջարկներ՝ 2

Քվեարկողներ

Առաջարկ

Առաջարկում եմ Երևան քաղաքի բակային տարածքների և փողոցների ցայտաղբյուրների վրա տեղադրել սեղմակով փականներ, այդպիսի փականներ կան տեղադրված Վերնիսաժի ցայտաղբյուրների վրա:

Խնդիրը այն է, որ առանց փականի ցայտաղբյուրը անիմաստ 24 ժամ, 365 օր  օգտագործում է խմելու ջուր և թափում կոյուղատար: Տեղադրելով փականներ, կխնայվի ահռելի քանակի խմելու ջուր, որը ներառված է «ՎԵՈԼԻԱ ՋՈՒՐ» ընկերության ջրի կորուստների մեջ: Ակնկալվող արդյունքը կլինի խմելու ջրի տնտեսումը:

Լուծում

Որպես գաղափարի լուծում առաջարկում եմ հաշվառել բակային և փողոցային ցայտաղբյուրները , հայտարարել մրցույթ և տեղադրել փականները: Օրինակ՝ կարելի է սկսել 1000 հատ ցայտաղբյուրներից:

1 հատ փականի գինը Ռուսաստանում տատանվում է 10000 դրամից 16000 դրամ՝ կախված որակից.

Իմ գտած փականներ մի գուցե տեխնիկապես հարմար չէ , բայց վստահ եմ՝ կարող ենք գտնել ավելի հարմար տարբերակներ:

Հասցե` Հայաստան, Երևան, Ավետիք Իսահակյանի փողոց

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՀԱ
ՀԱՍՄԻԿ ԱԼԵՔՅԱՆ

11-03-2019 09:33:23

Սա նույնիսկ կարելի է համարել երկրագնդի արդիական խնդիրներից մեկը, որը անհրաժեշտություն է 

ՀՍ
ՀՐԱՉՅԱ ՍԱՐԳՍՅԱՆ

10-30-2019 17:11:19

Հավելեմ, որ փականը պետք է որոշ ժամանակ անց ինքնուրույն փակվի։ Ընդ որում՝ ի սկզբանե պետք է գնել դրանց ամենա որակովը։ Նալբանդյան- Սայաթ-Նովա խաչմերուկում տեղադրվածը աշխատեց ընդամենը մի քանի օր։

ԱՄ
ԱՆԱՀԻՏ ՄՈՒՐԱԴՅԱՆ

10-30-2019 09:46:01

Շատ լավ առաջարկ

ՊԵՏՐՈՍ ՄԱՐԳԱՐՅԱՆ

07-18-2019 14:07:46

Գայանե Խոջոյան այդ դեպքում ամբողջ բակերը կհեղեղվեն ջրով, քանի որ ծառերը հագենալուց հետո ամբողջ ջուրը հոսելու է բակերով և փողոցներով։ Կարծում եմ պատշաճ ջրահեռացում կազմակերպելը ավելի ծախսատար և բարդ աշխատանքներ է պահանջում։

ԳԱՅԱՆԵ ԽՈՋՈՅԱՆ

07-17-2019 16:28:58

Ավելի արդյնավետ կլինի ցայտաղբուրի  թափվող ջուրը հարմարեցնել այգիներին և կանաչապատ տարացկներին կունենանք ավելի փարթամ և ջրից հագեցած բնություն իհարկե ամռան սեզոնին իսկ ձմռանը կարծումեմ գրեթե բոլոր ցայտաղբյուրները փակված են լինում։

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
«ԵՐԵՎԱՆ» տուֆակերտ հուշաքարի տարածքի վերակառուցման նախագիծ

13-08-2019

ԴԱՎԻԹ ԳԵՎՈՐԳՅԱՆ

Երևան- Սևան M4 մայրուղու «ԵՐԵՎԱՆ» տուֆակերտ հուշաքարի տարածքի վերակառուցման նախագիծ:

Երևան–Սևան մայրուղու վրա Կոտայքի մարզի տարածքում գտնվող տուֆակերտ «ԵՐԵՎԱՆ»  հուշաքարը Երևան քաղաքի այցեքարտն էր ժամանակին և Երևանի զբոսաշրջային գրքույկների առաջին էջերում զետեղվում էր այս խորհրդանշի լուսանկարը։

Առանձնահատուկն այն էր, որ զբոսաշրջիկները նախընտրում էին այս հուշարձանի մոտ նկարվել, «հաստատելու» համար Հայաստան կամ Երևան իրենց այցելությունը, քանի որ «Երևան» գրվածքը բազմալեզու է:  Գրվածքով այլ հավաքական հուշարձան-խորհրդանիշ իրականում չկա:

Ներկայումս այս հուշարձանի շրջակա տարածքը, մեղմ ասած, շատ անմխիար վիճակում է։ Համացանցում անգամ մեկ լուսանկար որևէ անձի կողմից արված դժվար է գտնել:

Տարածքը, ռելյեֆը բավականին նմանացնում է Արցախի «Մենք ենք մեր սարերը» կամ, ժողովրդական լեզվով ասած՝ «տատն ու պապը» հուշարձանը և նորոգումից ու տարածքի բարեկարգումից հետո այս տարածքը կարող է նմանվել հենց «տատ ու պապին» և զբոսաշրջային օրինակելի ճամփեզրային վայր լինել՝ վայել 2800-ամյա մայրաքաղաքին: Շահառուները՝ ՀՀ ազգաբնակչությունը և հյուրերը: Վստահաբար, վերակառուցումից հետո Հուշարձանը կդառնա «պարտադիր» կանգառի և լուսանկարվելու տեղ:

no image
Կարգավորվող ցայտաղբյուրներ

16-07-2019

ԱՆԴՐԱՆԻԿ ՉՈՐՈԽՅԱՆ

Ներկայումս Երևանի ցայտաղբյուրների գերակշռող մեծամասնությունը կարգավորվող չէ, ինչը հանգեցնում է ջրի անխնա կորստի: Հիմա Հայաստանը համարվում է շատ հարուստ երկիր՝ քաղցրահամ ջրի պաշարներով: Վստահ եմ՝ շատ մոտ ապագայում ջուրը դառնալու է հզոր ռեսուրս երկրի տնտեսության համար: Այդ իսկ պատճառով մենք պետք է ավելի խելամիտ օգտագործենք մեր ջրի պաշարները: 

Առաջարկում եմ Երևան քաղաքի բոլոր ցայտաղբյուրները դարձնել կարգավորվող (օրինակ կոճակի սեղմումով):

Ներքևում ներկայացրել եմ իմ սուբյեկտիվ ոչ պրոֆեսիոնալ հաշվարկները.

Երևանում մոտավոր հաշվարկներով կա 2000 ից ավելի ցայտաղբյուր: Իմ գնահատմամբ մեկ ցայտաղբյուրից միջինում ցայտում է 1 խմ ջուր 3 րոպեի ընթացքում: Մեկ օրում դա մոտավոր 500 խմ է: Բոլորը միասին մեկ օրում բաց են թողնում մոտավոր 1000000 խմ ջուր: Հաշվի առնելով, որ տարվա մեջ 7-8 ամիս են գործում, դրանք միասին տարեկան բաց են թողնում 240 միլիոն խմ ջուր: Կարծում եմ ցայտաղբյուրների միջին ՕԳԳ-ն օրվա ընթացքում (երբ մարդիկ իրականում օգտվում են դրանից) մոտ 30% է (կենտրոնում մի փոքր ավել, ծայրամասերում՝ ավելի քիչ): Հետևաբար՝ կորոստը կազմում է մոտավոր 70%:  Այսինքն՝ տարվա կտրվածքով, Երևանի ցայտաղբյուրները կորցնում են մոտավոր 170 միլիոն խմ ջուր, որը կարելի է կանխել:

Հիշեցնեմ միայն, որ Սևանից տարեկան ջրառը կազմում է հենց 170 միլիոն խմ:

Եթե ենթադրենք, որ յուրաքանչյուր ցայտաղբյուրի համար կծախսվի մոտավոր 10000 դրամ, բոլորը միասին կարժենա 20 միլիոն դրամ: Բնակիչների համար 1 խմ ջրի սակագինը կազմում է 191 դրամ: 170 միլիոն խմ - ի գինը մոտավոր 32 միլիարդ 470 միլիոն դրամ է կազմում: Թվերից երևում է, որ ներդրումը չափազանց չնչին գումար է կազմում ի համեմատություն սպասվող եկամտի:

Արդյունքը երկարաժամկետ կտվածքում օգտակար է լինելու ոչ միայն Երևանի, այլ ամբողջ Հայաստանի համար:

Տեսնել բոլորը