Պետանքի դաշտերի ստեղծում

Սպորտ

02-10-2019

ԼԵ

Լ. ԵՍԱՅԱՆ

Առաջարկներ՝ 2

Առաջարկ

Առաջարկում եմ Երևանի զբոսայգիներում կամ ազատ տարածքներում ստեղծել պետանք (petanque) խաղի դաշտեր: Այն իրենից ներկայացնում է ընդամենը 15x4 մետրի վրա ազատ, մանր խիճով կամ ավազով պատված հարթ տարածք: Անհրաժեշտ կլինի դաշտի պարագծով եզրաքարեր տեղադրել: Պետք կլինեն նաև երեկոյան լապտերներ և փոցխեր՝ խիճը/ավազը հարթեցնելու համար:

Լուծում

Այս նախագիծը շատ քիչ ներդրումներ է պահանջում, սակայն քաղաքում ընդամենը մի քանի նման դաշտ ունենալու դեպքում կարող է այդ սպորտաձևի զարգացմանը զարկ տալ: Ներկայիս դրությամբ Երևանում կա միայն մեկ դաշտ՝ պետանքի սիրողական ակումբում:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԼՓ
ԼԻԼԻ ՓԻՆԱՋՅԱՆ

10-10-2019 20:34:55

Շատ լավ գաղափար է ու հեշտ իրագործելի, ես Ֆրանսիայում տարեցներից եմ սովորել խաղալ ու շատ հիացած եմ այս խաղով, չնայած անձամբ ինձնից համբերություն էր պահանջում։ Լավ լուծում կլինի նաեւ մեր տարեցների համար ու նստակյաց խաղերից անցում կկատարեն գոնե կանգնած խաղերի։

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Մարզական կենտրոն Հաղթանակ թաղամասում

24-09-2019

ՇՈՒՇԱՆԻԿ ՂԵՎՈՆԴՅԱՆ

Հաղթանակ թաղամասը գտնվում է Երևանի ծայրամասում, չունի որևէ սպորտային ու  ժամանցի կենտրոն և, հաշվի առնելով Երևան քաղաքի բոլոր վարչական շրջանների համաչափ զարգացման անհրաժեշտությունը, կարևոր եմ համարում Հաղթանակ թաղամասում սպորտային նոր կենտրոնի հիմնումը: Առողջ ու մարզված սերունդ ունենալու համար անհրաժեշտ է ստեղծել հնարավորություն, որպեսզի Հաղթանակ թաղամասի երեխաները կարողանան զբաղվել ֆուտբոլով, բասկեբոլով, վոլեյբոլով, ինպես նաև կարողանան տեղադրված մարզասարքերի շնորհիվ մարզվել: 9000-ից ավել բնակչություն ունեցող թաղամասին չափազանց անհրաժեշտ է նման կենտրոն ունենալը: Նշեմ նաև, որ Հաղթանակ թաղամասի միակ դպրոց հաճախում է մոտ 1000 երեխա և թաղամասում սպորտային միջոցառում անցկացնելու համար չկա համապատասխան  վայր երեխաների սերը դեպի սպորտ զարգացնելու համար: Ներկայացվող տարածքը գտնվում է դպրոցի կողքին և ներկայումս գտնվում է ոչ բարվոք վիճակում, և նշված սպորտային կոմպլեքսի հիմնումը նաև արդյունավետ կլինի դպրոցում ֆիզկուլտուրայի զարգացման և ֆիզիկական կրթության զարգացման համար:

suggest image
Մատչելիության ինքնագնահատման համակարգ

18-09-2019

ՄՈՒՇԵՂ ՀՈՎՍԵՓՅԱՆ

Թեև հաշմանդամություն ունեցող անձանց համար միջավայրի մատչելիության պարտադիր լինելն ամրագրված է օրենքով շուրջ 30 տարի, մշակված են բազմաթիվ իրավական ակտեր, սակայն այն դեռ խորթ է տնտեսվարող սուբյեկտների և հանրությանն այլ ծառայություններ մատուցողների համար։ Մատչելիության պահանջը հաճախ արժանանում է հակազդեցության ցածր իրազեկվածության և որոշ պայմանների անհնարին թվալու պատճառով։ Բարեկարգման շրջանակներում մատչելիության ապահովմանն ուղղված քայլերն էլ հաճախ անարդյունավետ են, քանի որ լայն շրջանակների համար հասանելի չէ մատչելիության շինարարական նորմերի վերաբերյալ տեղեկություններ, այդ թվում՝ ոչ մասնագիտական լեզվով։ 

Ծրագրային առաջարկի նպատակը Երևանում հանրությանը մատուցվող ծառայությունների մատչելիության և հաշմանդամության առումով զգայունության ապահովումն է։ Ծրագրի խնդիրներն են՝

  • ծառայությունների մատչելիության ապահովմանն աջակցելը, 
  • ծառայություն մատուցող ֆիզիկական և իրավաբանական անձանց՝ ծառայությունների մատչելիության վերաբերյալ իրազեկվածության բարձրացումը,
  • մատչելի ծառայություններ մատուցողների խրախուսումը։ 

Ծրագրի արդյունքում կարող է ակնկալվել յուրաքանչյուր տարում ծառայություն մատուցող շուրջ 2000 անձի մասնակցություն գնահատման գործին։

Տեսնել բոլորը