Մեքենաների կայանման խնդրի կարգավորում

Տրանսպորտ

30-07-2019

ՄԴ

Մ. ԴԱՎԹՅԱՆ

Առաջարկներ՝ 1

Քվեարկողներ

Առաջարկ

Մեքենաների թվի անդադար աճի ու կայանատեղիների բացակայության պայմաններում ինչպես նաև  փոքր կենտրոնը բեռնաթափելուն միտված միջոցառումների հետևանքով որոշակի ժամանակ անց Երևանի հիմնական փողոցներում երթևեկելը կլինի անհնարին։ Առաջարկում եմ մեկնարկել պիլոտային ծրագիր Երևան քաղաքում։

Լուծում

        Առաջարկում եմ ծրագիրը մեկնարկել Հրաչյա Քոչար փողոցից։ Ինչպես տեղյակ եք, փողոցի ամբողջ երկայնքով գծված են կարմիր գծեր, որի հետևանքով երթևեկելի գոտին դառնում է 1 գիծ՝ բացառությամբ խաչմերուկային հատվածների։ 1 գծի և մեքենաների ահռելի քանակի պատճառով երթևեկությունը մշտապես ծանրաբեռնված է այս փողոցի վրա։

   Առաջարկում եմ

         Մաքրել կարմիր գծերը, և այդ գիծը օգտագործել կա՛մ որպես առանձին գիծ, կա՛մ հասարակական տրանսպորտի և հեծանիվների համար նախատեսված առանձնացված գոտի։

           Քաղաքային իշխանությունները պայմանագիր են կնքում չինական ընկերությունների հետ, կամ, որ ավելի նպատակահարմար է՝ ստեղծում են նմանատիպ գործարան, որտեղ կարտադրվեն վերելակներ՝ ավտոմեքենաների համար։ Չեմ կարծում, թե դա կառուցելը և նմանատիպ արտադրանք ստանալը բարդ կամ ծախսատար պրոցես է իրենից ներկայացնում։ Անհրաժեշտ է ստեղծել մեխանիզմ, որը կոճակի մեկ հպումով ամբողջ կասկադը կպտտի 1 ավտոմեքենայի պտույտի չափ։  1 վերելակի օգնությամբ ստանում ենք 20 ավտոմեքենայի կայանատեղի, որը լինում է վճարովի, և ժամանակի ընթացքում փոխհատուցվում է իրականացման ծախսերը։ Եթե հաշվենք 1 ավտոմեքենայի փողոցի վրա զբաղեցրած տարածքի միջին երկարությունը 5 մ, ապա 20 մեքենայի համար կստանանք 100 մետր։ Հրաչյա Քոչար փողոցում ավտոմեքենաների կայանման տարածքը կազմում է երկկողմանի ընդհանուր 3800 մետր։ Այս փողոցը մեքենաներից ամբողջությամբ բեռնաթափելու համար պահանջվում է 38 նմանատիպ վերելակ։ 

Հասցե` Հայաստան, Երևան, Հրաչյա Քոչարի փողոց

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Սույն առաջարկը կարող է իրականացվել միայն 8 տեղանոց ավտոկայանատեղիների դեպքում

Երևանի քաղաքապետարանը կարող է իրականացնել սույն առաջարկը միայն 8 տեղանոց ավտոկայանատեղիների դեպքում

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՀՄ
ՀԱՄԼԵՏ ՄՈՒՐԱԴՅԱՆ

11-03-2019 17:18:36

Ֆունկցիոնալ առումով՝ տարածք կխնայի, միգուցե՝ կայանատեղիների քանակն էլ ավելանա։ Բայց այդ կայանատեղիների սարերը քաղաքի տեսքը կգցեն

ՎՎ
ՎԱՐԴԱՆ ՎԱՍԻԼՅԱՆ

10-30-2019 13:05:02

Բազմահարգ կայանատեղիներ շատ պետք են մեր Երևանին, բայց պետք է այնպես անել, որ քաղաքի առանց այն էլ փչացրած տեսքը ավելի չփչացվի։

ՄԴ
ՄՈՒՇԵՂ ԴԱՎԹՅԱՆ

10-24-2019 16:17:42

Կարծում եմ փողոցը հանրային տրանսպորտի կամ այլ հանրային կարիքների համար ազատելը ավելի շահավետ կլինի տարածքային առումով։

ՀՍ
ՀՐԱՉՅԱ ՍԱՐԳՍՅԱՆ

10-24-2019 16:13:05

Ընդհանուր առմամբ, միտքը լավն է, բայց պատկերացնու՞մ եք էդ մի փողոցի մոտակայքում 38 հատ նման կառույցը ինչքան հանրային նշանակության տեղ կզբաղեցնի և ինչ կարժենա։ Ինչքա՞ն պիտի լինի կայանման արժեքը, որ համ ձեռնտու լինի կայանումը, համ ծախսված գումարները հետ գան, համ սպասարկման ծախսերը փակի։

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

no image
#MyYerevan

02-10-2019

ԱՆԻ ԲԱԲԱՅԱՆ

Մշակել և գործարկել MyYerevan App. բջջային հավելվածը: Բջջային հավելվածի միջոցով քաղաքապետարանը միշտ հետադարձ կապի  մեջ կլինի քաղաքացիների հետ, ավելի լավ հասկանալով նրանց կարիքները և ավելի թափանցիկ և արդյունավետ ներկայացնելով մատուցվող ծառայությունները:

MyYerevan App միջոցով քաղաքապետարանը կարող է real time ռեժիմում տեղեկացնել Երևանցիներին խցանումների, փակ փողոցների, կոմունալ ծառայությունների մատուցման խափանումների, ճանապարհային և այլ պատահարների մասին, ինչպես նաև կազմակերպվող քաղաքային և ժամանցային նշանակության միջոցառումների մասին և Երևանցիների հանրային կյանքին վերաբերվող ցանկացած այլ իրադարձությունների մասին (urgent, news and notifications):

MyYerevan App միջոցով քաղաքապետարանը կարող է կազմակերպել քվեարկություններ (polls) Երևանցիներին վերաբերող այս կամ այն հարցի շուրջ (այդ թվում համայքնային նշանակության հարցերի վերաբերյալ), որոնց արդյունքները կարող են հիմք հանդիսանալ քաղաքապետարանի կողմից կատարվելիք գործողությունների և ընդունվող որոշումների, ինպես նաև անցկացնել հարցումներ, ուղարկել քաղաքացիներին հարցաթերթիկներ Երևանցիների տեսակետները և մոտեցումները պարզելու համար:

MyYerevan App միջոցով քաղաքապետարանը կարող է մոնիտորինգ անել ինչ է կատարվում քաղաքում, խթանելով որպեսզի քաղաքացիները լինեն ավելի ակտիվ, բջջային հավելվածի տարբեր բաժինների միջոցով  տեղեկացնելով քաղաքապետարանին ինչպես պատահարների, խափանումների, առաջացած խնդիրների մասին այնպես էլ քաղաքապետարանի և համայքապետարանների կողմից խնդիրների լուծմանը  գնահատման և արձագանքման միջոցով:

Բջջային հավելվածին կարող են միանալ հանրային նշանակության ծառայություններ մատուցող ընկերությունները (կոմունալ, տրասպորտային, ժամանցային, կոմերցիոն, բժշկական), որտեղ նրանք կարող են գտնել իրենց target audience.

Տեսնել բոլորը