Խելացի անցումներ

Տրանսպորտ

20-09-2019

ԲԳ

Բ. ԳԵՎՈՐԳՅԱՆ

Առաջարկներ՝ 1

Քվեարկողներ

Առաջարկ

Երևանի քաղաքային տրասպորտի մեծ քանակի հետ մեկտեղ հետիոտնի անվտանգությունը խիստ կարևոր է։ Հետիոտնային անցումների քանակը բավարար է, բայց ոչ բոլորն են բավարար կերպով տեսանելիորեն ընդգծված, ինչն էլ վթարների առիթ է հանդիսանում։ Ծրագրի նպատակն է հնարավորինս ապահովել հետիոտնի անվտանգությունը։

Լուծում

Հետիոտնային անցումից առաջ՝ երթևեկելի մասում, ճանապարհի մակերևույթի մակարդակի հետ համապատասխան (առանց անհավասարություն առաջացնելու), ռետինե ներդիր է տեղադրվում, որի մեջ կառուցվում է լարվածության չափիչ սարք։ Երբ փոխադրամիջոցը շարժվում է, ռետինե ներդիրը հարված է ստանում, լարվածության չափիչ սարքը նեղանում է և արտադրում է էներգիա, որը պահվում է մարտկոցում և սպառվում մթության մեջ՝ լուսավորելով հետիոտնային անցումը և նշանը։

Բավարար լուսավորության դեպքում պահվող էներգիան կբավարարի անցումը օրվա մութ ժամերին լուսավորելու համար՝ օգտագործելով LED լուսավորություն։ Բացի այդ, չնայած ռետինե ներդիրը անհարթություններ չի առաջացնում ճանապարհի վրա, բայց այն վարորդի տեսանկյունից ընկալվում է որպես խոչընդոտ, որը ստիպում է նրան դանդաղեցնել ընթացքը նախքան հետիոտնի փողոցն անցնելը, ինչը մեկ այլ մակարդակի անվտանգություն է ապահովում հետիոտնի համար։ Ռետինե ներդիրը կարող է լինել ցանկացած գույն, օրինակ՝ դեղին, որպեսզի տեսանելի դարձնի անցումի սահմանները։

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԱՐԹՈՒՐ ՄԱՐՏԻՐՈՍՅԱՆ

11-09-2019 10:26:57

Շատ լավ գաղափար է: 

ՍՉ
ՍՈՍԵ ՉԱԽԱԼՅԱՆ

11-07-2019 19:47:38

Շատ լավ և հատաքրքիր լուծումով  առաջարկ է։ 

ՏՀ
ՏԱԹԵՎԻԿ ՀՈՎԱԿԻՄՅԱՆ

10-10-2019 09:17:35

Հրաշալի միտք!!! Մութ ժամանակ հետիոտներին նկատելը գերլարվածություն է առաջացնում վարորդների շրջանում, հատկապես սև հագուստով մարդկանց պարագայում գրեթե աննկատ են լինում անցումի վրա։ Եվրոպական երկրների փորձը ցույց է տալիս, որ այս մեխանիզմը շատ արդյունավետ է։ Եկեք աջակցենք գաղափարին :)

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Բարեկարգ և գրավիչ մարզադաշտ Դավթաշենում

08-08-2019

ԱՐՓԻՆԵ ԱՐԶՈՒՄԱՆՅԱՆ

Ծրագրի նպատակն է խթանել Երևանում հեծանիվ վարելու մշակույթը, քաղաքացիների առողջ ապրելակերպը և հաճելի ժամանցի ստեղծումը: Գաղտնի չէ, որ Երևանը հարմարեցված չէ հեծանվավարության, հեծանվասպորտով զբաղվելու համար, թեպետ քաղաքացիների շրջանում հեծանվասպորտի նկատմամբ հետաքրքրությունը աճում է: Հայտնի է, որ հեծանվավարությունը առողջության պահպանման և ամրապնդման արդյունավետ տարբերակ է և ժամանցի միջոց: Եվրոպական երկրներում ընդունված մշակույթ է այն՝ առանց տարիքային սահմանափակման կիրառվում է բնակիչների կողմից: Հայաստանում այս մշակույթի զարգացմանը նպաստող գործոնները, թերևս, բավարար չեն և տևական գործընթաց է պահանջում ոլորտի զարգացումը ապահովելու համար: 

Իմ առաջարկը փոքր ներդրում կարող է լինել այս ամենում: Վերջերս ինքս հեծանիվ եմ գնել՝ նպատակ ունենալով առողջ ապրելակերպով զբաղվել և իմ ժամանցը կազմակերպել այն վարչական շրջանում, որտեղ բնակվում եմ, սակայն ինքս բախվեցի այն խնդրին, որ Դավթաշեն վարչական շրջանում բարեկարգ և հարմարեցված տարածք չկա այդ նպատակի իրագործման համար:

Ամենից հարմարը դպրոցների բակերն են. նույն նպատակով դպրոցների բակերում և հարակից տարածքում հավաքվում են բնակիչներ՝ երեխաներ, պատանիներ, մեծահասակներ՝ իրենց ժամանցն անցկացնելու, հեծանիվ վարելու, զրուցելու, երեխաներին զբոսանքի տանելու: 

Այդպիսի մի տարածք է նաև Դավթաշեն վարչական շրջանի 199 և 196 դպրոցների հարևանությամբ գտնվող բացօթյա մարզադաշտը և դպրոցների բակերը:

Օրվա տարբեր ժամերին մարզադաշտում կարող եք տեսնել վազորդների, հեծանիվ վարողների, սակայն այն անհրապույր է, անբարեկարգ, հնացած և չմոտիվացնող:

Մարզադաշտի անմիջապես հարևանությամբ գտնվող 199 դպրոցի բակի տարածքը նույնպես երեկոյան ժամերին մարդաշատ է. ծերեր, երեխաներ, պատանիներ այդտեղ անցկացնում են իրենց ժամանցը: Դպրոցի բակն ավելի բարեկարգ է, սակայն հարակից մարզադաշտը վատթար վիճակում է. մարզադաշտի բարեկարգումը թույլ կտա ընդհանուր գեղեցիկ միջավայր ստեղծել՝ համախմբելով ժամանցը և սպորտը:

Առաջարկում եմ մարզադաշտի տարածքը բարեկարգել՝ ճաքալցում կատարել՝ ասֆալտապատելով ամբողջ մարզադաշտը, եզրերը կարգի բերել, լույսեր տեղադրել քաղաքացիների երեկոյան զբոսանքի ապահովման և հեծանվավարությունը անվտանգ և հաճելի կազմակերպելու համար, մարզադաշտի եզրերին մոտ տեղադրել նստարաններ, փոքր-ինչ կանաչապատել, ինչպես նաև տեղադրել որևիցէ թեմատիկ մոտիվացնող արձան՝ սպորտի և առողջ ապրելակերպի վերաբերյալ:

Հույս ունեմ, որ այն իրականություն կդառնա և ավելի լայն տարածում կգտնի՝ ներառելով բոլոր վարչական շրջանները:

Տեսնել բոլորը