Կարգավորվող ցայտաղբյուրներ

Բնապահպանություն

16-07-2019

Ա. ՉՈՐՈԽՅԱՆ

Առաջարկներ՝ 1

Քվեարկողներ

Առաջարկ

Ներկայումս Երևանի ցայտաղբյուրների գերակշռող մեծամասնությունը կարգավորվող չէ, ինչը հանգեցնում է ջրի անխնա կորստի: Հիմա Հայաստանը համարվում է շատ հարուստ երկիր՝ քաղցրահամ ջրի պաշարներով: Վստահ եմ՝ շատ մոտ ապագայում ջուրը դառնալու է հզոր ռեսուրս երկրի տնտեսության համար: Այդ իսկ պատճառով մենք պետք է ավելի խելամիտ օգտագործենք մեր ջրի պաշարները: 

Առաջարկում եմ Երևան քաղաքի բոլոր ցայտաղբյուրները դարձնել կարգավորվող (օրինակ կոճակի սեղմումով):

Ներքևում ներկայացրել եմ իմ սուբյեկտիվ ոչ պրոֆեսիոնալ հաշվարկները.

Երևանում մոտավոր հաշվարկներով կա 2000 ից ավելի ցայտաղբյուր: Իմ գնահատմամբ մեկ ցայտաղբյուրից միջինում ցայտում է 1 խմ ջուր 3 րոպեի ընթացքում: Մեկ օրում դա մոտավոր 500 խմ է: Բոլորը միասին մեկ օրում բաց են թողնում մոտավոր 1000000 խմ ջուր: Հաշվի առնելով, որ տարվա մեջ 7-8 ամիս են գործում, դրանք միասին տարեկան բաց են թողնում 240 միլիոն խմ ջուր: Կարծում եմ ցայտաղբյուրների միջին ՕԳԳ-ն օրվա ընթացքում (երբ մարդիկ իրականում օգտվում են դրանից) մոտ 30% է (կենտրոնում մի փոքր ավել, ծայրամասերում՝ ավելի քիչ): Հետևաբար՝ կորոստը կազմում է մոտավոր 70%:  Այսինքն՝ տարվա կտրվածքով, Երևանի ցայտաղբյուրները կորցնում են մոտավոր 170 միլիոն խմ ջուր, որը կարելի է կանխել:

Հիշեցնեմ միայն, որ Սևանից տարեկան ջրառը կազմում է հենց 170 միլիոն խմ:

Եթե ենթադրենք, որ յուրաքանչյուր ցայտաղբյուրի համար կծախսվի մոտավոր 10000 դրամ, բոլորը միասին կարժենա 20 միլիոն դրամ: Բնակիչների համար 1 խմ ջրի սակագինը կազմում է 191 դրամ: 170 միլիոն խմ - ի գինը մոտավոր 32 միլիարդ 470 միլիոն դրամ է կազմում: Թվերից երևում է, որ ներդրումը չափազանց չնչին գումար է կազմում ի համեմատություն սպասվող եկամտի:

Արդյունքը երկարաժամկետ կտվածքում օգտակար է լինելու ոչ միայն Երևանի, այլ ամբողջ Հայաստանի համար:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԼԱ
ԼՈՒՍԻՆԵ ԱԶԻԶՅԱՆ

11-05-2019 11:29:10

Լիովին համաձայն եմ առաջարկի հետ

ԴԳ
ԴԱՎԻԹ ԳԵՎՈՐԳՅԱՆ

07-19-2019 11:43:59

Քանի որ անրադարձել եք ցայտաղբյուրների թեմային՝ ամենակարևոր խնդիրը դա ցայտաղբյուրների տեղաբաշխումն է՝ գիտե՞ք, որ նշված մոտ 2000 ցայտաղբյուրների զգալի մասը բակային ներս ընկած տարածքներում են՝ ժամանակին բնակիչների կողմից տեղադրվել են և անհասկանալի անհաշվիչ աշխատում են՝ ծառայելով միայն բակի բնակչին և պատահական անցորդին /այսօր  բակ կա, որտեղ 100 մետրի վրա 3 ցայտաղբյուր կա/: Հարցը կանոնակարգման կարիք ունի:

ԱՆԴՐԱՆԻԿ ՉՈՐՈԽՅԱՆ

07-19-2019 09:59:42

Կարծում եմ այդքան լուրջ աշխատանքի կարիք չի լինի: Անգամ տան ծորակը, որը մշտապես փակ է, երբ բացվում է, և ջուրը մոտ 30-40 վայրկյան հոսում է, բավականաչափ սառչում է և դառնում հաճելի: Եթե բարձրահարկ շենքի վերևի հարկերին այդքան ժամանակում է սառը ջուր հասնում, կարծում եմ ցայտաղբյուրի դեպքում պետք է շատ ավելի քիչ լինի այդ սպասման ժամանակահատվածը, մինչև հավաքված տաք ջուրը հոսի:

Իսկ այն տեղերում, որտեղ անգամ մշտական հոսող ջուրն է տաք, այդտեղ փականը որևէ լրացուցիչ խոչնդոտ չի հանդիսանա: Դրա լուծման տարբերակը միգուցե Ձեր նշած մեկուսացումն է: Սակայն սա այլ խնդիր է արդեն:

ԴԳ
ԴԱՎԻԹ ԳԵՎՈՐԳՅԱՆ

07-18-2019 22:44:58

Հարգելի Անդրանիկ, մի տեխնիկական խնդիր կա իրականացման հետ կապված՝ ցայտաղբյուրների խողիվակնները բավականին սաղր են անցնում եւ մշտական հոսող շատ ցայտաղբյուրներից ոչ այնքան սառը ջուր է գալիս։ Փականի առկայության պարագայում պետք է խողովակները լուրջ մեկուսացնել։

ԱՆԴՐԱՆԻԿ ՉՈՐՈԽՅԱՆ

07-18-2019 16:59:04

Շնորհակալ եմ մեկնաբանության համար հարգելի Դավիթ: Իրականում ես պատահաբար սխալ թիվ եմ վերցրել որպես հիմք: Ցանկացել եմ ասել 3 ժամում, այլ ոչ 3 րոպեում: Ինչի արդյունքում վերջնական ջրի կորուստը իմ նշած 170 միլիոնի փոխարեն մոտ 50-60 անգամ կրճատվում է (3 միլիոն)

 

Անգամ այս հաշվարկի դեպքում ստացվում է, որ ներդրումը շատ ավելի քիչ է, քան ստացվող արդյունքը:

ԴԳ
ԴԱՎԻԹ ԳԵՎՈՐԳՅԱՆ

07-17-2019 09:26:30

Դուք վստա՞հ եք՝ 1 խ.մ 3 րոպեու՞մ: Որ խնդրեմ ինձ նման ցայտաղբյուրի տեղ կասե՞ք:

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Սահմանափակ տեղաշարժման խնդիրներ ունեցող անձանց համար նախատեսված հատուկ վերելակային թեքահարթակներ

05-08-2019

ԴԱՎԻԹ ՆԻԿՈՂՈՍՅԱՆ

Երևան քաղաքի բազմաթիվ հասարակական նշանակություն ունեցող շինություններում բացակայում են հարմարանքներ, որոնք թույլ կտան սահմանափակ տեղաշարժման խնդիր ունեցող մարդկանց ազատ տեղաշարժվելու, ուսումնասիրելով միջազգային փորձը՝ այս առաջարկը նպատակ ունի մի շարք հասարակական վայրերում լուծել այդ խնդիրը, ինչը սահմանափակ տեղաշարժման խնդիր ունեցող մարդկանց հնարավորություն կտա լինել ավելի ազատ և այլ մարդկանց հետ միասին ունենալ հավասար իրավունքներ։ Տվյալ ծրագրի շրջանակներում հնարավոր կլինի տեղադրել առնվազն 10 նմանօրինակ հարթակներ այնպիսի վայրերում, ինչպիսիք են գետնանցումներ, պետական նշանակության շինություններ, մշակույթային շինություններ, կրթական համալիրներ և այլն։ Նմանօրինակ 9 - 10 հարթակի համար կպահանջվի 30,000,000 ՀՀ դրամ:

suggest image
Մարզական կենտրոն Հաղթանակ թաղամասում

24-09-2019

ՇՈՒՇԱՆԻԿ ՂԵՎՈՆԴՅԱՆ

Հաղթանակ թաղամասը գտնվում է Երևանի ծայրամասում, չունի որևէ սպորտային ու  ժամանցի կենտրոն և, հաշվի առնելով Երևան քաղաքի բոլոր վարչական շրջանների համաչափ զարգացման անհրաժեշտությունը, կարևոր եմ համարում Հաղթանակ թաղամասում սպորտային նոր կենտրոնի հիմնումը: Առողջ ու մարզված սերունդ ունենալու համար անհրաժեշտ է ստեղծել հնարավորություն, որպեսզի Հաղթանակ թաղամասի երեխաները կարողանան զբաղվել ֆուտբոլով, բասկեբոլով, վոլեյբոլով, ինպես նաև կարողանան տեղադրված մարզասարքերի շնորհիվ մարզվել: 9000-ից ավել բնակչություն ունեցող թաղամասին չափազանց անհրաժեշտ է նման կենտրոն ունենալը: Նշեմ նաև, որ Հաղթանակ թաղամասի միակ դպրոց հաճախում է մոտ 1000 երեխա և թաղամասում սպորտային միջոցառում անցկացնելու համար չկա համապատասխան  վայր երեխաների սերը դեպի սպորտ զարգացնելու համար: Ներկայացվող տարածքը գտնվում է դպրոցի կողքին և ներկայումս գտնվում է ոչ բարվոք վիճակում, և նշված սպորտային կոմպլեքսի հիմնումը նաև արդյունավետ կլինի դպրոցում ֆիզկուլտուրայի զարգացման և ֆիզիկական կրթության զարգացման համար:

Տեսնել բոլորը