Հետիոտնային անցման սմարթ լուսավորման համակարգ

Սոցիալական ոլորտ

26-07-2019

ԳԲ

Գ. ԲԱԲԱՅԱՆ

Առաջարկներ՝ 2

Քվեարկողներ

Առաջարկ

Ցավոք սրտի մեր մայրաքաղաք Երևանում անչափ շատ են դարձել վրաերթները: Հազվադեպ չեն նաև վրաերթների դեպքերը հենց հետոտնային անցման վրա, որոնց գերակշռող մասը տեղի է ունենում օրվա մութ ժամերին կամ երեկոյան մթնշաղին՝ երբ բնական լուսավորությունը բավարար չէ, իսկ մեքենայի լույսերը բավարար կերպով չեն լուսավորում: Քիչ չեն դեպքերը, երբ վարորդները տառապում են հավկուրությամբ, որը նույնպես դժվարեցնում է ժամանակին հատկանշել փողոցը անցնող հետիոտնին: Տեսանելիությունը բավարար չէ է նաև մառախլապատ եղանակների և անձրևային եղանակի ժամանակ: Բացի այդ, շատ հաճախ քաղաքում լուսավորությունը անջատվում է գիշերային ժամերին՝ էլեկտրոէներգիային խնայման նպատակով: Թվարկած բոլոր հանգամանքները ցավոք երբեմն հանգեցնում են վրաերթերի: 

Առաջարկում ենք հետիոտնաին անցումների մոտ տեղադրել հավելյար լուսավորության սմարթ համակարգ՝ հետիոտնին ժամանակին հատկանշելու նպատակով: Առաջարկվող համակարգը համալրված կլինի լուսադիոդային լուսավորման մատրիցայով, մարտկոցով և արևային վահանակով: Օրվա լուսավոր ժամերին համակարգը կարող է լիցքավորվել արևային էներգիայով, իսկ մութ ժամերին ապահովվել լուսավորություն հետոտնային անցումների վրա: Առաջարկվող համակարգը թույլ կտա զգալիորեն քչացնել վրաերթների քանակը:

Նշված համակարգը առավել արդյունավետ կարող է գործել հատկապես չկարգավորվող հետիոտնային անցումներում: Այդպիսի անցումների մոտ, չթույլատրված մասում շատ հաճախ կայանում են մեքենաներ, ինչը խանգարում է ժամանակին նկատել հետիոտնին, որը պատրաստվում է հատել փողոցը: Ու քանի որ համակարգը ավտոմատ կերպով միացնում է լուսավորությունը, ապա վարորդի կողմից անգամ հետիոտնին չտեսնելու դեպքում էլ լույսային ազդանշանը կարող է օգնել ժամանակին հետիոտնին նկատելու համար: Համակարգը իր մեջ կներառի նաև հետոտնային անցման նշանը համալրված կարմիր լուսադիոդային շրջանակով, որը կսկսի թարթել հետիոտնային անցման վրա մարդու առկայության դեպքում՝ հավելյար կերպով վարորդի ուշադրությունը գրավելու նպատակով:

Նախագծի լուծման համար ներկայացված գումարը կբավականացնի պատրաստել և տեղադրել նկարագրված համակարգի երկու օրինակ քաղաքում տեղակայված որևէ հետիոտնաին անցումների վրա: Նշվածը թույլ կտա որոշ ժամանակ շահագործելով գնահատել նրա արդունավետությունը և հետևություններ անել հետագա զարգացման ու փոփոխությունների անհրաժեշտության համար:

Լուծում

Համակարգը համալրված կլինի եռագույն RGB լուսադիոդներով, ինչը թույլ կտա ցանկացած գույնի լույս գեներացնել: Էլեկտրոէներգիայի խնայման նպատակով համակարգը օժտված կլինի հատուկ տվիչով, որը կտեղադրվի հենց հետիոտնային անցման սկզբնամասում և հենց հետիոտնը “հատեց” տվիչի զգայունության տիրույթը, համակարգը ավտոմատ կերպով կմիացնի լուսավորությունը՝ կախված օրվա ժամից, լուսավորության մակարդակից և եղանակային պայմաններից համապատասխան գունավորությամբ: Նշվածը թույլ կտա ժամանակին և տարբեր եղանակային պայմանների դեպքում հատկանշել հետիոտնին: Բացի այդ համակարգը օժտված կլինի նաև խոնավության և անձրևի տվիչով, ինչը թույլ կտա որոշել եղանակային պայմանները: Համակարգում առկա կլինի նաև իրական ժամանակի գեներատոր (real time clock), որը մշտապես ինֆորմացիա կտրամադրի տարվա եղանակի, շաբաթվա օրվա և ճշգրիտ ժամի վերաբերյալ, որի միջոցով կկարգավորվի համակարգի միանալու ժամերը: Բացի այդ, առկա կլինի նաև լուսավորության տվիչ, որի միջոցով օրվա լուսավոր ժամերին հնարավոր կլինի չգործարկել համակարգը

Հավելյար, համակարգում կարող է ներդրվել նաև հեռահար ազդանշանային համակարգ, միացված բջջային ցանցին, ինչը թույլ կտա ուղարկել հաղորդագրություն համակարգի վնասելու, չթույլատրված հասանելիության, մարտկոցի շարքից դուրս գալու դեպքերում կամ համակարգի որևէ այլ խափանման դեպքում:

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:

Մեկնաբանություններ չկան

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Երևանի հրապարակներում երթևեկության պարզեցման և բարելավման լուծում

02-10-2019

ՄԻՔԱՅԵԼ ԿԱՐՍՅԱՆ

Բարև ձեզ սիրելի Երևանցիներ:

Թույլ տվեք ներկայանալ՝ Միքայել Կարսյան, ինտերիեր դիզայներ-ճարտարապետ, 1999 թ-ից IMAGEMAN նախագծային արվեստանոցի հիմնադիր և ղեկավար:

Ուսումնասիրելով բազմաթիվ Եվրոպական երկրներում, ինչպես նաև հարևան Վրաստանում կիրառված նմանատիպ լուծումը, առաջարկում եմ կիրառել այն Երևանյան հրապարակներում, որտեղ օրվա որոշ ժամերին, երթևեկությունը պարզապես սարսափելի է դառնում: Այս պարզ, պրիմիտիվ և գրեթե գումար չպահանջող լուծումը բավականին կթեթևացնի հրապարակը ավտոմեքենաների երթևեկությունից, ինչպես նաև թույլ կտա ազատել վարորդներին հրապարակ անցանկալի մուտք գործելուց: Խոսքը գնում է այլընտրանքային շրջադարձների մասին, նախքան հրապարակ մտնելը: Օրինակ բերեմ Հանրապետության հրապարակին միացող Ամիրյան և Տիգրան Մեծ փողոցների հանգույցները:

no image
Ջրի խնայողության համապարփակ փաթեթ

23-07-2019

ՀԱԿՈԲ ՄԱՆՈՒԿՅԱՆ

Աշխարհի խմելու ջրի պաշարները անսահման չեն: Մոլորակի բնակչությունը աճում է, դրա հետ մեկտեղ ավելանում է խմելու եւ ոռոգման ջրի պահանջարկը: Ըստ Ջրային ռեսուրսների խմբի (Water Resources Group)` 2050 թ. աշխարհի բնակչությունը կլինի 9 միլիարդ մարդ, որից 4 միլիարդը ապրելու է ջրային քրոնիկական դեֆիցիտի շրջաններում: Այսինքն, ջուրը կդառնա աշխարհի ամենաթանկ ռեսուրսը: Աշխարհում յուրաքանչյուր տարի մոտ երկու միլիոն երեխա է մահանում ջրի անբավարարությունից: Զարգացող երկրներում բնակչության գրեթե 50 տոկոսը անընդհատ տառապում է հիվանդություններից, որոնք առաջանում են, այսպես կոչված, «ջրային սովից»: Բացի այդ մարդկային կորուստներից, ջրի մատակարարման ճգնաժամը շատ երկրներում արգելակում է տնտեսական աճը: Հաջորդ հինգ տարիների ընթացքում Պարսից ծոցի երկրները նախատեսում են ներդնել շուրջ 100 մլրդ դոլար` հետագայում իրենց բնակչությանը ջրի պաշարներով ապահովելու համար: Այսպիսով, Քաթարը հայտարարել է 2017 թվականին ջրի յոթօրյա պաշարների պահպանման համար նախատեսված ռեզերվուարների շինարարության համար 900 մլն դոլար հատկացնելու մասին: Ավելին, Պարսից ծոցի համագործակցության խորհրդի երկրները համաձայնել են կառուցել 10,5 մլրդ դոլար արժողությամբ խողովակաշարը, որը ունի մոտ 2000 կմ երկարություն և կապում է Պարսից ծոցի երկրները իրար հետ: Նախագիծը ներառում էր նաեւ Օմանում երկու աղազատիչ կայանների կառուցումը `500 միլիոն խորանարդ մետր ջրի արտադրության համար, որով, խողովակաշարի օգնությամբ, կապահովվեն Պարսից ծոցի համագործակցության խորհրդի շրջանները, որոնք աղազատված ջրի մեծ կարիք ունեն:

Հայաստանում ստորերկրյա ջրերի պաշարները կազմում են շուրջ 3 միլիարդ խորանարդ մետր, որոնց մեծ մասը կենտրոնացած է Արարատյան դաշտի արտեզյան համակարգում: Լճերի կուտակված ջուրը (չհաշված Սեւանը) կազմում է մոտավորապես 300 մլն խորանարդ մետր, ջրամբարներում ` մոտ 1 մլրդ խորանարդ մետր: Սեւանի ջրային պաշարները հասնում են 35 միլիարդ խորանարդ մետրի: Սևանը հանդիսանում է Հայաստանի խոշորագույն ջրային ավազանը: Սեւանա լիճը Հայաստանում խմելու ջրի միակ խոշորագույն երաշխավորված աղբյուրն է: Արարատյան դաշտը ոռոգող ջրանցքների մեծ մասը, ինչպես նաեւ Հրազդանի կասկադի բոլոր 6 կայանները, ապահովվում են միայն Սեւանա լճի ջրերով:

Որոշ փորձագետների գնահատականներով, 2030-2040 թվականներին կլիմայի տաքացման եւ տեղումների նվազման պատճառով Հայաստանի ջրային պաշարները կկրճատվեն 20-25%ով: Ընդհանուր առմամբ, վերջին 10 տարիների ընթացքում Հայաստանում ջրի սպառումը զգալիորեն աճել է: Եթե ​​2000 թվականին այդ ցուցանիշը 1.8 միլիարդ խորանարդ մետր էր, ապա հիմա այն հասել է տարում 3 միլիարդ խորանարդ մետրի: Ավելին, սպառման աճը հիմնականում կապված է ջրի տեղափոխման կորուստների հետ: Այսպիսով, 2008 թ. պաշտոնական վիճակագրության համաձայն, տեղափոխման կորուստները կազմել են 32% 2002 թ. 25%ի փոխարեն: Ստացվում է, որ ճանապարհների վրա մենք տարեկան կորցնում ենք մոտ 1 մլրդ խորանարդ մետր քաղցրահամ ջուր: Եթե ​​մոտակա 10 տարիներին լուրջ փոփոխություններ չկատարվեն ջրի տեղափոխման համակարգում, ապա Հայաստանում ջրի խնդիրը կխորանա:

suggest image
Սահմանափակ տեղաշարժման խնդիրներ ունեցող անձանց համար նախատեսված հատուկ վերելակային թեքահարթակներ

05-08-2019

ԴԱՎԻԹ ՆԻԿՈՂՈՍՅԱՆ

Երևան քաղաքի բազմաթիվ հասարակական նշանակություն ունեցող շինություններում բացակայում են հարմարանքներ, որոնք թույլ կտան սահմանափակ տեղաշարժման խնդիր ունեցող մարդկանց ազատ տեղաշարժվելու, ուսումնասիրելով միջազգային փորձը՝ այս առաջարկը նպատակ ունի մի շարք հասարակական վայրերում լուծել այդ խնդիրը, ինչը սահմանափակ տեղաշարժման խնդիր ունեցող մարդկանց հնարավորություն կտա լինել ավելի ազատ և այլ մարդկանց հետ միասին ունենալ հավասար իրավունքներ։ Տվյալ ծրագրի շրջանակներում հնարավոր կլինի տեղադրել առնվազն 10 նմանօրինակ հարթակներ այնպիսի վայրերում, ինչպիսիք են գետնանցումներ, պետական նշանակության շինություններ, մշակույթային շինություններ, կրթական համալիրներ և այլն։ Նմանօրինակ 9 - 10 հարթակի համար կպահանջվի 30,000,000 ՀՀ դրամ:

Տեսնել բոլորը