Դասական երաժշտություն այգիներում

Մշակույթ և ժառանգություն

20-09-2019

Մ. ՍԱՐԳՍՅԱՆ

Առաջարկներ՝ 1

Առաջարկ

Մեր քաղաքին նախ և առաջ պետք են կիրթ, բարի, ժպտացող քաղաքացիներ: 

Եվրոպական քաղաքներում ամենից տպավորիչ տեսարանն ինձ համար այգիներում դասական համերգներն էին: Միշտ երազել եմ նույնը տեսնել մեզ մոտ: Երևանի կենտրոնում մշակութային որակյալ միջոցառումներ հաճախ են կազմակերպվում, ինչը հնարավոր չէ ասել ծայրամասերի մասին: Առաջարկում եմ պարբերաբար ծայրամասային թաղամասերի այգիներում սիմֆոնիկ համերգներ կազմակերպել: Կարծում եմ մարդկանց կարելի է «սովորեցնել», «օգնել» սիրել որակյալ երաժշտություն։

Ես գրեթե համոզված եմ` մեր դեմքի մռայլ արտահայտության մեղավորներից մեկը երաժշտությունն է կամ դրա բացակայությունը:

Շնորհակալություն :)

 

 

 

Հասցե` Հայաստան, Երևան, Ներքին Շենգավիթի 4-րդ փողոց, 41

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ՀՍ
ՀԱՍՄԻԿ ՍԱՐԳՍՅԱՆ

11-10-2019 14:27:38

Այո, խիստ անհրաժեշտ է ճաշակ դաստիարակել մարդկանց մոտ։ Համոզված եմ, շատերը կգերադասեն հանրամատչելի դասական երաժշտությունը փողոցային կլկլան ռաբիսից ու էժանագին "պապսայից"։  

ԱԿ
ԱՐՄԵՆ ԿԻՐԱԿՈՍՅԱՆ

11-06-2019 23:51:49

Եթե նույնիսկ ոչ բոլոր տեղերում կենդանի հնչի, կարելի է որակյալ աուդիո համակարգերի միջոցով դա անել բոլոր այգիներում, ոչ շատ բարձր ձայնով:

ԼԹ
ԼՈՒՍԻԿ ԹՈՎՄԱՍՅԱՆ

10-12-2019 21:08:50

կեցցեք

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Առողջարար բոբիկ այգի Երեւանում

06-10-2019

ԱՐՏԱԿ ԲԵԳՆԱԶԱՐՅԱՆ

Առաջարկում եմ Երեւանում կառուցել առողջարար բոբիկ այգի: Այգին այցելուներին հնարավորություն կտա ոտաբոբիկ քայլել տարբեր չափերի, կոշտության եւ ձեւի բնական նյութերի վրայով, որոնք իրենց հերթին կխթանեն մարմնում տարբեր ֆունկցիաների ակտիվացմանը:

Այգու նպատակն է՝
1. Հնարավորություն ստեղծել քաղաքացիների համար քաղաքում վայելելու բոբիկ քայլելու հաճույքը,
2. Ստեղծել զգայական կապ Երկրի հետ,
3. Նպաստել առողջությանը հասանելի եւ բնական միջոցներով:

Տարբեր չափերի, ձեւի, կոշտության եւ խտության նյութերի հպումը նպաստում են ոտնաթաթի եւ մարմնի տարբեր ֆունկցիաների ակտիվացմանը եւ բարելավմանը:

  Ինչու է ոտնաթաթի մերսումը օգտակար՝
1. Ոտնաթաթի մերսումը հանգստացնում է մարմինը,
2. Զարգացնում է ոտնաթաթի մկանները,
3. Նպաստում է մարմնում արյան շրջանառությանը, ինչն իր հերթին դրական է ազդում մաշկի հյուսվածքների վրա,
4. Կանխում է գլխացավը եւ այլ խրոնիկ ցավեր,
5. Կարգավորում է արյան ճնշումը,
6. Նպաստում է ոտքերի առողջությանը,
7. Նպաստում է մարմնում առողջ նյութափոխանակությանը,
8. Խթանում է մարսողությունը եւ կենսական կարեւոր այլ գործառություններ,
9. Նպաստում է մարմնում ճարպերի վերացմանը,
10. Կանխում է փորկապությունը եւ սթրեսի ախտանիշները:

suggest image
Ազատ ավտոկայանատեղիները ցույց տվող ծրագրային ապահովում

06-08-2019

ՆՈՐԱՅՐ ՄԵԼՔՈՒՄՅԱՆ

Քաղաքում ազատ ավտոկայանատեղի գտնելը իրական գլխացավանք է վարորդների համար։ Հաճախ ստիպված ենք լինում շրջել փողոցներում գտնելու համար ազատ ավտոկայանատեղիներ։ Դա պատճառում է ժամանակային, ֆինանսական և այլ կորուստներ։ Առաջարկում ենք Մոբայլ Հավելված, որը ցույց կտա քաղաքում ազատ ավտոկայանատեղիները իրական ժամանակում։ Օգտատերերը հավելվածի միջոցով կտեսնեն ինչպես մոտակա, այնպես էլ իրենց ցանկալի փողոցում ազատ և զբաղված ավտոկայանատեղիների վերաբերյալ տվյալներ։ Ընտրելուց հետո տվյալ փողոցը կամ կայանատեղին, նավիգացիոն համակարգը կուղղորդի վարորդին դեպի տվյալ կայանատեղի։ Այդ ընթացքում եթե կայանատեղին դառնա զբաղված, ձայնային հաղորդագրությունը կտեղեկացնի դրա մասին վարորդին և կառաջարկի այլ ազատ ավտոկայանատեղի տվյալ հատվածում։ Հավելվածը ունի որոնողական ֆունկցիա, որի միջոցով վարորդները կարող են որոնել այն փողոցը կամ հատվածը որտեղ ցանկանում են կայանել, և ստանալ իրական ժամանակում ինֆորմացիա՝ արդյոք տվյալ փողոցում կա ազատ կայանատեղի, քանի հետ (այդ ամենը պատկերավոր երևում է հավելվածում), թե ոչ։ 

Տեսնել բոլորը