Ճանապարհային տեղեկատու նշաններ

Այլ

30-07-2019

ԱԹ

Ա. ԹԱՐԽԱՆՅԱՆ

Առաջարկներ՝ 1

Քվեարկողներ

Առաջարկ

Առաջարկս վերաբերում է ոչ միայն Երևան քաղաքին, այլ ամբողջ Հայաստանի Հանրապետության  տարածքում քաղաքացիների անվտանգությանը։ Այսպես ուրեմն; խոսքս վերաբերում է արագաչափերին, ավելի շուտ արագաչափերի մասին տեղեկացնող նշաններին։ Այդ նշանները,որ առկա են հիմա, մենք ժառանգել ենք նախկին իշխանություններից։  Նրանք հիմնականում ծուղակ են ավելի շատ վարորդների տուգանելու համար և համարյա անտեսանելի են վարորդների համար։ Վարորդը կամ չի նկատում, կամ էլ ուշ է նկատում,. կտրուկ արգելակելով ստեղծվում է վթարային իրավիճակ, կամ էլ չնկատելով, ճանապարհի այդ հատվածը անցնում է անթույլատրելի արագությամբ, վտանգելով իր, ուղևորների, տվյալ պահին իրեն մոտիկ երթևեկող մեքենաների և մայթեզրերին կանգնած մարդկանց համար։

Լուծում

Առաջարկս հետևյալն է; անհրաժեշտ է մեծացնել տեղեկացնող նշանները առնվազն 4 ( եթե ոչ ավել) անգամ, և այն պետք է լինի վառ դեղին գույնի և տեղադրված լինի տեսանելի հատվածում, որպեսզի վարորդը հեռվից նկատի այն։ Արդյունքում ճանապարհի այդ հատվածը վարորդը կանցնի թույլատրելի արագությամբ, ժամանակին նվազեցնելով արագությունը,հանգիստ, առանց որևէ կտրուկ գործողությունների։

 Համոզված եմ, որ այս փոփոխության արդյունքում խիստ կնվազի ՃՏՊ-ների թիվը, որոնց հիմնական պատճառը հենց արագության գերազանցումն է։ Կարծում եմ առաջարկս կստանա ձեր դրական արձագանքը և արդյունքը տեսանելի կլինի։

 Կանխավ շնորհակալ եմ, մաղթում եմ արդյունավետ քննարկումներ.

Մեկնաբանություն

 

Առաջարկը դիտարկվել է Երևանի քաղաքապետարանի համապատասխան մասնագիտական խմբի կողմից, և ստորև ներկայացվում են մեկնաբանությունները: 

Սույն առաջարկը հնարավոր է իրականացնել միայն այլ գերատեսչությունների համաձայնության դեպքում

Երևանի քաղաքապետարանը կարող է իրականացնել այս առաջարկը միայն իրավասու այլ գերատեսչությունների դրական կարծիքի դեպքում

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԱՐՏԱԿ ԳԱԲՈՅԱՆ

08-03-2019 18:14:59

Ես այն համոզմանն են, որ վարորդը ընդհանրապես չպետք է իմանա, որ թե որտեղ կա արագաչափ կամ տեսախցիկ։
Որ ոչ թե ամեն անգամ նշանը տեսնելիս լարվի, այլ միշտ քշի առանց խախտումների։

Այ ճանապարհի տվյալ հատվածում թույլատրելի արագության մասին տեղակացումները պետք է միշտ տեսանելի լինեն։

ԱԹ
ԱՐՄԱՆ ԹԱՐԽԱՆՅԱՆ

07-30-2019 20:53:33

Հուսով եմ,որ այս առաջարկը մոտակա ժամանակոոմ կքննարկվի նաև համապատասխան  կառույցների հետ. Մտահոգ  լինելով մեր քաղաքացիների անվտանգություն համար,Ես նույնպես պատրաստ եմ  (եթե կա դրա պահանջը) առաջարկս ուղարկել համապատասխան մարմիններին,որոնք իրավասու են, համատեղ Երեվանի քաղապետարանի հետ ,որոշում  կայացնել այս հարցի շուրջ.

Համարում եմ ,որ այս առաջարկը ավելի քան հրատապ ու կարեվոր  է  և  պահանջում է շուտափույտ լուծում.

Եկեք մեկ օր շուտ մտածենք մեր քաղաքացիների անվտանգության մասին. 

Հարգանքներով` ՀՀ քաղաքացի

Արման Թարխանյան

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

suggest image
Բնապահպանություն և առողջ ապագա

30-07-2019

ԱՐԿԱԴՅԱ ԳԵՎՈՐԳՅԱՆ

1. Աջափնյակ վարչական շրջանի Նորաշեն թաղամասի /16 թաղ/ առաջին շղթայի այգում ոռոգման համակարգը կատաստրոֆիկ վիճակում է, ինչի պատճառով մոտ 15 ծառ արդեն չորացել են, իսկ նույնքան ծառ էլ չորացման ճանապարհին են: Հարցի կապակցությամբ դիմել եմ քաղաքապետարան, որտեղից ստացված պատասխանի համաձայն ջրի ճնշումը չի բավականացնում և կձեռնարկեն միջոցներ, սակայն ծառերը շարունակում են չորանալ: Այգու ոռոգման համակարգը ավելի քան 30 տարեկան է, մաշված է թե ֆիզիկապես, թե բարոյապես: Ոռոգման խողովակաշարի բազմաթիվ հատվածներում առկա են ծակեր՝ ժամանակի ընթացքում տնկված ծառերը ջրելու համար, ինչի հետևանքով էլ ընկնում է ճնշումը և ավելի հեռու գտնվող ծառերին ջուր չի հասնում: Անհամաչափ ոռոգման պատճառռով այգու որոշ հատվածներ կորում են ջրի տակ, մինչդեռ որոշ հատվածներ անխնա չորանում են:

2. Նույն այգում առկա են խաղահրապարակներ և մարզահրապարակներ: Մարզահրապարակներում տեղադրված մի քանի մարզասարքեր /տուռնիկներ, զուգափայտեր և այլ մետաղյա կոնստրուկցիաներ/ չափազանց հին են և ֆիզիկապես մաշված: Ավելին, այդ մարզասարքերը չափազանց վտանգավոր են այն հարյուրավոր երեխաների կյանքի և առողջության համար, ովքեր ամեն օր բառի բուն իմաստով կախված են այդ մարզասարքերից: Վտանգավորություն ներկայացնում են ոչ միայն այդ մարզասարքերի ֆիզիկական մաշվածությունը և կոտրվելու մեծ հավանականությունը, այլ այդ մարզասարքերի դուրս ցցված բետոնյա  հիմքերն ու տեղադրված եզրաքարերը, որոնք ամեն վարկյան կարող են անդառնալի վնաս պատճառել այդ մարզասարքերից օգտվող անձանց:

3. Այգու լուսավորությունը: Լուսավորված է այգու մոտ 10-15 տոկոսը, ընդ որում ոչ խաղահրապարակները և ոչ էլ մարզահրապարակները լուսավորված չեն: Մութն ընկնելուն պես դատարկվում է այգին, խաղահրապարակն ու մարզահրապարակը, ինչը ցավոք սրտի նպաստում է, որ մեր երեխաները ավելի շուտ գամվեն հեռախոսներին ու պլանշետներին ինչի վնասակար հետևանքները բոլորիս են հայտնի:

no image
Ջրի խնայողության համապարփակ փաթեթ

23-07-2019

ՀԱԿՈԲ ՄԱՆՈՒԿՅԱՆ

Աշխարհի խմելու ջրի պաշարները անսահման չեն: Մոլորակի բնակչությունը աճում է, դրա հետ մեկտեղ ավելանում է խմելու եւ ոռոգման ջրի պահանջարկը: Ըստ Ջրային ռեսուրսների խմբի (Water Resources Group)` 2050 թ. աշխարհի բնակչությունը կլինի 9 միլիարդ մարդ, որից 4 միլիարդը ապրելու է ջրային քրոնիկական դեֆիցիտի շրջաններում: Այսինքն, ջուրը կդառնա աշխարհի ամենաթանկ ռեսուրսը: Աշխարհում յուրաքանչյուր տարի մոտ երկու միլիոն երեխա է մահանում ջրի անբավարարությունից: Զարգացող երկրներում բնակչության գրեթե 50 տոկոսը անընդհատ տառապում է հիվանդություններից, որոնք առաջանում են, այսպես կոչված, «ջրային սովից»: Բացի այդ մարդկային կորուստներից, ջրի մատակարարման ճգնաժամը շատ երկրներում արգելակում է տնտեսական աճը: Հաջորդ հինգ տարիների ընթացքում Պարսից ծոցի երկրները նախատեսում են ներդնել շուրջ 100 մլրդ դոլար` հետագայում իրենց բնակչությանը ջրի պաշարներով ապահովելու համար: Այսպիսով, Քաթարը հայտարարել է 2017 թվականին ջրի յոթօրյա պաշարների պահպանման համար նախատեսված ռեզերվուարների շինարարության համար 900 մլն դոլար հատկացնելու մասին: Ավելին, Պարսից ծոցի համագործակցության խորհրդի երկրները համաձայնել են կառուցել 10,5 մլրդ դոլար արժողությամբ խողովակաշարը, որը ունի մոտ 2000 կմ երկարություն և կապում է Պարսից ծոցի երկրները իրար հետ: Նախագիծը ներառում էր նաեւ Օմանում երկու աղազատիչ կայանների կառուցումը `500 միլիոն խորանարդ մետր ջրի արտադրության համար, որով, խողովակաշարի օգնությամբ, կապահովվեն Պարսից ծոցի համագործակցության խորհրդի շրջանները, որոնք աղազատված ջրի մեծ կարիք ունեն:

Հայաստանում ստորերկրյա ջրերի պաշարները կազմում են շուրջ 3 միլիարդ խորանարդ մետր, որոնց մեծ մասը կենտրոնացած է Արարատյան դաշտի արտեզյան համակարգում: Լճերի կուտակված ջուրը (չհաշված Սեւանը) կազմում է մոտավորապես 300 մլն խորանարդ մետր, ջրամբարներում ` մոտ 1 մլրդ խորանարդ մետր: Սեւանի ջրային պաշարները հասնում են 35 միլիարդ խորանարդ մետրի: Սևանը հանդիսանում է Հայաստանի խոշորագույն ջրային ավազանը: Սեւանա լիճը Հայաստանում խմելու ջրի միակ խոշորագույն երաշխավորված աղբյուրն է: Արարատյան դաշտը ոռոգող ջրանցքների մեծ մասը, ինչպես նաեւ Հրազդանի կասկադի բոլոր 6 կայանները, ապահովվում են միայն Սեւանա լճի ջրերով:

Որոշ փորձագետների գնահատականներով, 2030-2040 թվականներին կլիմայի տաքացման եւ տեղումների նվազման պատճառով Հայաստանի ջրային պաշարները կկրճատվեն 20-25%ով: Ընդհանուր առմամբ, վերջին 10 տարիների ընթացքում Հայաստանում ջրի սպառումը զգալիորեն աճել է: Եթե ​​2000 թվականին այդ ցուցանիշը 1.8 միլիարդ խորանարդ մետր էր, ապա հիմա այն հասել է տարում 3 միլիարդ խորանարդ մետրի: Ավելին, սպառման աճը հիմնականում կապված է ջրի տեղափոխման կորուստների հետ: Այսպիսով, 2008 թ. պաշտոնական վիճակագրության համաձայն, տեղափոխման կորուստները կազմել են 32% 2002 թ. 25%ի փոխարեն: Ստացվում է, որ ճանապարհների վրա մենք տարեկան կորցնում ենք մոտ 1 մլրդ խորանարդ մետր քաղցրահամ ջուր: Եթե ​​մոտակա 10 տարիներին լուրջ փոփոխություններ չկատարվեն ջրի տեղափոխման համակարգում, ապա Հայաստանում ջրի խնդիրը կխորանա:

Տեսնել բոլորը