Բարեկարգ գետնանցումներ

Հայերիս և Հայաստան այցելող զբոսաշրջիկների սիրելի վայրերից է Կասկադը: Սակայն Կասկադի աստիճանների երկու կողմում էլ անհրապույր տեսարան է: Անհամաչափ կառուցված տները, որոնք չունեն գունային և ճարտարապետական ներդաշնակություն, ամբողջությամբ աղավաղում են Կասկադի մշակութային միջավայրը: Լուսանկարիչներն էլ են դժգոհում, որ այդ կառույցների պատճառով գեղեցիկ կադրեր չեն լինում: Առաջարկս՝ Կասկադի աստիճանների ողջ երկայնքով ծառատունկ անել: Ծառերը կլինեն աստիճանների և այդ կառույցների մեջտեղում, այդ տներն այլևս չեն երևա, տարածքն էլ ավելի գեղեցիկ և զով կդառնա: 

Երևան քաղաքի բազմաթիվ հասարակական նշանակություն ունեցող շինություններում բացակայում են հարմարանքներ, որոնք թույլ կտան սահմանափակ տեղաշարժման խնդիր ունեցող մարդկանց ազատ տեղաշարժվելու, ուսումնասիրելով միջազգային փորձը՝ այս առաջարկը նպատակ ունի մի շարք հասարակական վայրերում լուծել այդ խնդիրը, ինչը սահմանափակ տեղաշարժման խնդիր ունեցող մարդկանց հնարավորություն կտա լինել ավելի ազատ և այլ մարդկանց հետ միասին ունենալ հավասար իրավունքներ։ Տվյալ ծրագրի շրջանակներում հնարավոր կլինի տեղադրել առնվազն 10 նմանօրինակ հարթակներ այնպիսի վայրերում, ինչպիսիք են գետնանցումներ, պետական նշանակության շինություններ, մշակույթային շինություններ, կրթական համալիրներ և այլն։ Նմանօրինակ 9 - 10 հարթակի համար կպահանջվի 30,000,000 ՀՀ դրամ:

Հարգելի՛ Երևանի քաղաքապետարան և Ակտիվ քաղաքացի նախաձեռնության անդամներ ու քաղաքացիներ,

Մեր բոլորիս կողմից սիրված քաղաքը այսօր ունի բազմաթիվ խնդիրներ, որոնք պահանջում են իրենց լուծումները, սակայն անհնար է այդ բոլոր խնդիրների միանգամից լուծել, և բացի այդ, կան խնդիրներ, որոնց մասին հասարակության և քաղաքացիների միայն մի մասն է քաջատեղյակ, սակայն ինչ-ինչ պատճառներով անկարող են դրանք իքնուրույն լուծել և անգամ դրանց մասին համապատասխան հաստատություններին տեղյակ պահել: Ուստի առաջարկում եմ այս հարթակում կամ այս հարթակին կից ստեղծել մեկ այլ՝ անհապաղ լուծում պահանջող խնդիրների հարթակ, որտեղ ակտիվ քաղաքացիները հնարավորություն կունենան ծանոթացնել մնացածներին, ինչպես նաև Քաղաքապետարանին քաղաքի հրատապ խնդիրներին և առաջարկներ ներկայացնել կամ խնդրել այդ խնդիրները լուծելու համար:

Առաջարկում եմ տեղադրվեն պլաստիկի դիմաց ժետոն տվող հավաքագրման տեղեր մետրոպոլիտենի կայարանում: Այն թույլ կտա տվյալ պլաստիկները վերամշակման ուղարկել և դրա դիմաց ստացված գումարը ուղղել մետրոպոլիտենի բարեկարգմանը: Կից կներկայացնեմ մի քանի հղում թե ինչպես է այդ իրականացվում արտերկրում: Երևի տեղյակ եք, որ Հայաստանում ևս ստեղծել են պլաստիկի հավաքագրման հատուկ սարքեր, որը կարող եք ընդգրկել ծրագրի մեջ: