Առաջարկում եմ կառուցել շների զբոսանքն ու վարժեցումն իրականացնելու համար նախատեսված այգիներ

Շինարարություն

12-07-2019

ՔԱ

Ք. ԱՎԵՏԻՍՅԱՆ

Առաջարկներ՝ 1

Քվեարկողներ

Առաջարկ

Հաշվի առնելով այն փաստը, որ մայրաքաղաքում այս պահին չկան շների զբոսանքի համար նախատեսված վայրեր, առաջարկում եմ յուրաքանչյուր վարչական շրջանում հատուկ տարածք հատկացնել շների զբոսանքի համար։ 

Ցանկապատված տարածքների առկայությունը կկանխի հնարավոր հարձակման դեպքերը։ Այդ կերպ գոհ կլինեն թե՛ շուն ունեցող քաղաքացիները և թե՛ շների ներկայությունից իրենց անապահով զգացող քաղաքացիները։

Առաջարկում եմ նաև կառուցել մասշտաբներով ավելի մեծ տարածք, որը նախատեսված կլինի շների վարժեցման համար՝ հագեցած համապատասխան տեխնիկայով։

Լուծում

Վարչական շրջաններում զբոսանքի համար նախատեսված վայրերը կարող են լինեն պարզապես բարձր ցանկապատած, որտեղ մեր չորքոտանի բարեկամները կարող են զբոսնել առանց կապի, դնչկալի, ուղղակի վազվզել և սպառել իրենց էներգիան։ 

Յուրաքանչյուր վարչական շրջանում շների զբոսանքի համար նախատեսված այգիների կառուցման առավելությունները՝ 

  • Երևանի քաղաքացիները կունենան հավասար իրավունքներ։ Հաշվի առնելով, այն փաստը, որ քաղաքի գրեթե բոլոր այգիներում արգելված է շների զբոսանքը, իսկ դրան զուգահեռ չկան շների զբոսանքն իրականացնելու տարածքներ։
  • Կկանխվի շների կողմից հնարավոր հարձակման դեպքերը։
  • Կզարգանա ընտանի կենդանիներ պահելու կուլտուրան։
  • Զբոսայգին կլինի անվճար և կենդանասերները ստիպված չեն լինի զբոսանքի կամ վարժեցման համար վճարել։
  • Եվ վերջի վերջո մեր չորքոտանի բարեկամները կարող են ազատ զբոսնել և խաղալ, իսկ իրենց տերերը կարող են այլևս չանհանգստալ հարակից տարածքներով անցնող քաղաքացիների անվտանգության մասին։ 


​​​​​​Ինչ վերաբերում է շների վարժեցման կենտրոնին, կարծում եմ՝ Հայաստանում չկա ընտանի կենդանի պահելու կուլտուրա, մարդիկ պահում են շներ, առանց համապատասխան վարժեցման և դաստիարակման, արդյունքում շատ հաճախ տեսնում ենք ագրեսիվ և հարձակով շներ։ 

Առաջարկում եմ ընտրել կենտրոնում գտնվող համապատասխան տարածք, որը կունենա՝
 

  • Բարձր և ապահով ցանկապատ (2 մետրից ոչ ցածր)
  • Շների վարժեցման համար նախատեսված սարքավորումներ՝ խոչընդոտներ, թռիչքների համար նախատեսված հարմարանքներ, փոքր կամուրջներ
  • Լուսավորություն
  • Նստարաններ, աղբաման
  • Կանաչապատ տարածք

Քվեարկության արդյունքում ձևավորվում է թոփ առաջարկների ցանկը:

Ձեր կարծիք չափազանց կարևոր է

Մուտք գործեք հարթակ քննարկումներին մասնակցելու և քվեարկելու համար:
ԳՔ
ԳԱՅԱՆԵ ՔՈՉԱՐՅԱՆ

08-16-2020 13:10:38

նման մի գեխեցհիկ  բակ ԲՐՈՒՍՈՎԻ 165/3  բակում

Հարթակի հիմնական պայմանները

Առաջարկները պետք է լինեն՝

  • հանրօգուտ գաղափարներ և ոչ թե անձնական շահ հետապնդող,
  • ամբողջական և չպահանջեն շարունակական ծախսեր, քան պահպանման ծախսերն են,
  • ներկայացված կիրթ և գրագետ հայերենով,
  • այլ անձանց իրավունքները չոտնահարող,
  • իրականանալի և իրագործելի:

Յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը: 

Ամբողջական տեղեկությանը ծանոթացե՛ք Հարթակի պայմաններ բաժնում:

Այլ առաջարկներ

no image
Կանգառներում և այլ հասարակական վայրերում աղբամանների ավելացում

12-07-2019

ԷԴԳԱՐ ԶԱՏԻԿՅԱՆ

Երևանի մաքրության հարցը մնում է ամենաքննարկվողը մեր քաղաքում։ Բացի նրանից որ Սանիթեքը թերանում է թե աղբահանության և թե սանմաքրման հարցում կա նաև մեկ այլ խնդիր։

Երևանի բազմաթիվ կանգառներում, փողոցներում և այլ հասարակական վայրերում աղբամանները բացակայում են։ Մենք մեր հոգեբանության և բնավորության մեջ դեռ չենք ձևավորել աղբը պահել ուրիշ տեղ գցելու մշակույթը և շատ հաճախ նետում ենք գետնին, բայց և աղբամանների առկայության դեպքում շատ ու շատ քաղաքացիներ կնետեն իրենց աղբը այդտեղ։ Ամենատարածված աղբը եր կարելի է տեսնել կանգառներում դրանք ծխախոտի մնացորդներն են (բիչոկները) որոնք նետում են ծառերի, խոտերի մեջ գետնին։ Ճիշտ է գիշերները սանմաքրման աշխատակիցները հավաքում են դրանք։ Շատ հաճախ էլ այդ նույն բիչոկները մնում են հողի մեջ, կամ քամու միջոցով տարածվում քաղաքով մեկ։ 

Համացանցում չկարողացա գտնել մեկ աղբամանի արժեքը բայց կարելի է հաշվարկել մինչև 20,000֏ սահմաներում։ 

Մի քանի կանգառներ որոնք կարող եմ նշել` Ազատության պողոտայի (Ռայկոմ) երկու կանգառներում, դեպի Հաղթանակի զբոսագի ճանապարհի կանգառներում, Տիգրան Մեծի պողոտայի վրա Ռոսիյա Մոլի դիմացի մայթի կանգառում, Խանջյան փողոցի վրա Մանկավարժական Համալսարանի կանգառներում։

Մեկնաբանաություններում կարող եք գրել մնացած տեղերի մասին։

suggest image
Երևանը երազանքների քաղաք

06-09-2019

ՆՈՐԱՅՐ ՍԱՖՈՅԱՆ

Ես առաջարկում եմ մեր քաղաքի փողոցներում տնկել 3000-4000 հատ Ցերցիս տեսակի դեկորատիվ ծառեր, ինչպես նաև ունենալ երկուսից երեք Ցերցիսների պուրակ քաղաքային այգիներում։ Այս ծառատեսակը վաղ գարնանը ծաղկում է վառ վարդագույն ծաղիկներով։ Ծաղկելով ստվերոտ տեղերում մեկ շաբաթ ուշ, իսկ արևոտ տեղերում՝ մեկ շաբաթ ավելի շուտ՝ փողոցը (պուրակը) երեսուն օր մնում է վառ վարդագույն ծաղիկների մեջ։ Ծաղկած Ցերցիսը այնքան գեղեցիկ է, որ այդ ծառերով հարուստ քաղաքը, ծաղկած վիճակում տեսնելու համար, երկիր կգան հազարավոր տուրիստներ։ Քաղաքում խիստ կավելանա սիրահարվածների քանակը ։) ։) ։) և էլի շատ-շատ լավ բաներ։

Մեր քաղաքում այդ ծառատեսակից (Ցերցիս) ամենամեծ ծառը գտնվում է Նալբանդյան-Խանջյան խաչմերուկում։ Ընդհամենը 3000 այդ տեսակի ծաղկած ծառ ունենալով՝ մեր քաղաքը աննկարագրելի կգեղեցկանա։

Տեսնել բոլորը