Առաջարկներ

Տարեթիվ
Դասավորել ըստ
suggest image
«Վիրտուալ Երևան» կենտրոն

09-10-2019

ՊԱՎԵԼ ՍԱՐԳՍՅԱՆ

Ժամանակակից թվային աշխարհում վիրտուալ իրականությունը բավականին մեծ դեր է խաղում մեր կյանքում և օրեցօր այն ավելի է զարգանում: Այդ իսկ պատճառով ժամանակակից թվային աշխարհի օրենքները պահանջում են, որպեսզի Երևանը և մեր քաղաքի պատմությունը պատշաճ կերպով ներկայացված լինեն նաև վիրտուալ տիրույթում:


Այդ կապակցությամբ առաջարկում ենք հիմնել «Վիրտուալ Երևան» հարթակը, որը նախատեսված է զարգացնել Երևանում վիրտուալ տուրիզմը և նպաստել կրթական համակարգին: Այն կներառի 3 հիմնական ուղղություն՝


1. Վիրտուալ տուրիզմ
Այս ուղղվածությունը ենթադրում է Երևանի պատմական վայրերի, իրադարձությունների հանրահռչակման ծրագիր, ըստ որի զբոզաշրջիկներին հնարավորություն կընձեռվի ծանոթանալ հին Երևանի փողոցների, պատմամշակութային տարատեսակ վայրերի, պատմական իրադարձությունների և պատմությունների հետ: Այսպիսով, զբոսաշրջիկները ծանոթանալով այս ամենի հետ վիրտուալ տիրույթում, ավելի լավ պատկերացում կկազմեն հին Երևանի և նրա պատմական իրադարձությունների մասին, ինչպես նաև նախատեսվող նոր ծրագրերին։

2. Վիրտուալ կրթություն
Տվյալ ուղղվածությունը հնարավորություն կընձեռի դպրոցում ուսանող երեխաների համար ձևավորել վիրտուալ ուսումնական միջավայր, որը հագեցած կլինի նոր տեխնոլոգիական լուծումներով և կհետաքրքրացնի ուսումնական պրոցեսը: Օրինակ՝ պատմական ակնարկները, Երևանի պատմությունը ավելի մատչելի և գրավիչ ձևով կմատուցվեն երեխաներին վիրտուալ պատկերների միջոցով:


3. Վիրտուալ կրթություն և տուրիզմ
«Վիրտուալ Երևան» հարթակի այս ծրագիրը տուրիզմի և կրթական ուղղվածությունների ինքնատիպ համադրում է, որը նպատակաուղղված է վերականգնել կրթական և պատմական հիշողությունը: Տվյալ ծրագրի շրջանակում ստեղծվելու է մի բջջային հավելված (Mobile Application), որն աշխատելու է նորագույն լրացված իրականության AR տեխնոլոգիայով: Հատուկ բջջային հավելվածի մեկ հպման միջոցով մարդիկ կկարողանան, օրինակ, գտնվելով Կինոմոսկվայի շենքի դիմաց, պատկերավոր տեսնել, թե ինչպիսի տեսք է ունեցել այն 1940-ական թվականներին: Այպիսով, կրթական բջջային հավելվածի միջոցով կներկայացվի պատմական Երևանը՝ ծառայելով թե՛ կրթությունը և թե՛ զբոսաշրջությունը զարգացնելու նպատակին: Այս ծրագիրն ամբողջությամբ պետք է լինի «Վիրտուալ Երևան» հարթակի հիմքի վրա և ցուցադրված լինի կենտրոնում:

suggest image
Կարգին զբոսայգի

09-10-2019

ԱՆԱՀԻՏ ԷՎՈՅԱՆ

Առաջարկս վերաբերում է Երևանի կենդանաբանական այգուց մինչև Նոր Նորքի Կրպեյանի անվան զբոսայգի ընկած հատվածին:

Այստեղ այժմ անբարեկարգ, կիսականաչապատ տարածք է (լուսանկար 3)

 

Առաջարկում եմ `

  1. մաքրել տարածքը ծառերը հատող և բոստաններ «կերտող» մեր համաքաղաքացիներից (լուսանկար 3),
  2. կատարել ծառատունկ, բարեկարգել տարածքը, ապահովել  արհեստական լուսավորությամբ (լուսանկար 1,2,3 ),
  3. ստեղծել գեղեցիկ, հարմարավետ արահետ, որը կկապի Նոր Նորքի` Կրպեյանի անվան այգու հասարակական տարածքը կենդանաբանական այգու հասարակական տարածքի հետ, և հնարավորություն կստեղծի Կրպեյանի անվան այգու կողմից քայլելով` երեխաների հետ գնալ Կենդանաբանական այգի և վերադառնալ (լուսանկար 1,2,3),
  4. ստեղծել հեծանվուղի, որը հնարավորություն կտա պտտվել այգու շուրջը: Ուղիղ գծով քննարկվող տարածքն ունի մոտ 1,5  կմ երկարություն, իսկ հեծանվուղին կարող է ունենալ մոտ 4.0 կմ երկարություն:
suggest image
Մուլտարթ-Սթրիթարթ

06-10-2019

ԱՐԱՄ ՊԱՐՈՒՆԱԿՅԱՆ

Հանդիսանալով մեր ժամանկների արվեստի ակտիվ ներկայացուցիչներ, որպես  գեղանկարիչներ և  ժամանակակից արվեստով հետաքրքրվողներ՝ հանձն ենք առնում մեր ներդրումն ունենալ քաղաքի վիզուալ արվեստի զարգացմանն ու բարելավմանը։

Ունենալով  բազմադարյա մշակույթ,ժառանգություն, սակայն լինելով 21-րդ դարի սերունդ՝ պարտավորություն ենք զգում  հանրությանը և աշխարհին ցուցադրել մեր ժառանգությունը ՝ արդիական մոտիվներով։ Եվ այդ իսկ պատճառով  որոշեցինք նախագծել մի ծրագիր (որը կունենա շարունակական բնույթ)։

Նախագծի հիմնակետը կայանում է հնի և նորի միաձուլման և վերարտադրման մեջ։

Մեր օրերում  նոր սերնդի կապը անցյալի ժառանգության հետ գնալով նվազում է, այդ իսկ պատճառով  մեր թիմով, որտեղ բոլորս հանդիսանում ենք գեղանկարիչներ, որոշեցինք հին հայկական հեքիաթների հիման վրա նկարահանված  մուլտֆիլմների կերպարները միքսել և վերակերպարավորել ու պատկերել սթրիթ արթի միջոցով մի կոմպոզիցիայում։

suggest image
Առողջարար բոբիկ այգի Երեւանում

06-10-2019

ԱՐՏԱԿ ԲԵԳՆԱԶԱՐՅԱՆ

Առաջարկում եմ Երեւանում կառուցել առողջարար բոբիկ այգի: Այգին այցելուներին հնարավորություն կտա ոտաբոբիկ քայլել տարբեր չափերի, կոշտության եւ ձեւի բնական նյութերի վրայով, որոնք իրենց հերթին կխթանեն մարմնում տարբեր ֆունկցիաների ակտիվացմանը:

Այգու նպատակն է՝
1. Հնարավորություն ստեղծել քաղաքացիների համար քաղաքում վայելելու բոբիկ քայլելու հաճույքը,
2. Ստեղծել զգայական կապ Երկրի հետ,
3. Նպաստել առողջությանը հասանելի եւ բնական միջոցներով:

Տարբեր չափերի, ձեւի, կոշտության եւ խտության նյութերի հպումը նպաստում են ոտնաթաթի եւ մարմնի տարբեր ֆունկցիաների ակտիվացմանը եւ բարելավմանը:

  Ինչու է ոտնաթաթի մերսումը օգտակար՝
1. Ոտնաթաթի մերսումը հանգստացնում է մարմինը,
2. Զարգացնում է ոտնաթաթի մկանները,
3. Նպաստում է մարմնում արյան շրջանառությանը, ինչն իր հերթին դրական է ազդում մաշկի հյուսվածքների վրա,
4. Կանխում է գլխացավը եւ այլ խրոնիկ ցավեր,
5. Կարգավորում է արյան ճնշումը,
6. Նպաստում է ոտքերի առողջությանը,
7. Նպաստում է մարմնում առողջ նյութափոխանակությանը,
8. Խթանում է մարսողությունը եւ կենսական կարեւոր այլ գործառություններ,
9. Նպաստում է մարմնում ճարպերի վերացմանը,
10. Կանխում է փորկապությունը եւ սթրեսի ախտանիշները:

suggest image
Հայեր, ովքեր աշխարհը դարձրեցին ավելի լավը

06-10-2019

ԱՆԱՀԻՏ ԹԱԴԵՎՈՍՅԱՆ

Կրթելով ինքներս մեզ՝ կունենանք լավ ապագա և բանիմաց սերունդներ: Հայերը, ճակատագրի բերումով ցրվելով ողջ աշխարհով մեկ, իրենց անջնջելի հետքն են թողել համաշխարհային գիտության, մշակույթի և այլ ամենատարբեր ոլորտներում, բայց շատ քչերը գիտեն դրա մասին: Առաջարկում եմ Երևանի տարբեր հատվածներում (Կասկադ, Հաղթանակի զբոսայգի, Ազատության հրապարակ, Խաչքարերի պուրակ, Մետրոպոլիտենի կայարաններ...) տեղադրել գեղեցիկ և ուսուցողական բնույթ կրող հարթակներ,որոնցից յուրաքանչյուրը կներկայացնի մի բնագավառ (գյուտարարություն, բժշկություն, արվեստ, սպորտ, երաժշտություն...): Մարդիկ, մոտենալով հարթակին, ականջակալի միջոցով կտեղեկանան մեր հերոսների մասին: Հավելվածը կլինի  ձայնային հնչողությամբ հայերեն, անգլերեն և այլ լեզուներով:
Երևանը դարձնենք հաճելի և ճանաչելի ոչ միայն ՀՀ քաղաքացիների համար, այլ նաև արտերկրից ժամանող զբոսաշրջիկների համար:

no image
#MyYerevan

02-10-2019

ԱՆԻ ԲԱԲԱՅԱՆ

Մշակել և գործարկել MyYerevan App. բջջային հավելվածը: Բջջային հավելվածի միջոցով քաղաքապետարանը միշտ հետադարձ կապի  մեջ կլինի քաղաքացիների հետ, ավելի լավ հասկանալով նրանց կարիքները և ավելի թափանցիկ և արդյունավետ ներկայացնելով մատուցվող ծառայությունները:

MyYerevan App միջոցով քաղաքապետարանը կարող է real time ռեժիմում տեղեկացնել Երևանցիներին խցանումների, փակ փողոցների, կոմունալ ծառայությունների մատուցման խափանումների, ճանապարհային և այլ պատահարների մասին, ինչպես նաև կազմակերպվող քաղաքային և ժամանցային նշանակության միջոցառումների մասին և Երևանցիների հանրային կյանքին վերաբերվող ցանկացած այլ իրադարձությունների մասին (urgent, news and notifications):

MyYerevan App միջոցով քաղաքապետարանը կարող է կազմակերպել քվեարկություններ (polls) Երևանցիներին վերաբերող այս կամ այն հարցի շուրջ (այդ թվում համայքնային նշանակության հարցերի վերաբերյալ), որոնց արդյունքները կարող են հիմք հանդիսանալ քաղաքապետարանի կողմից կատարվելիք գործողությունների և ընդունվող որոշումների, ինպես նաև անցկացնել հարցումներ, ուղարկել քաղաքացիներին հարցաթերթիկներ Երևանցիների տեսակետները և մոտեցումները պարզելու համար:

MyYerevan App միջոցով քաղաքապետարանը կարող է մոնիտորինգ անել ինչ է կատարվում քաղաքում, խթանելով որպեսզի քաղաքացիները լինեն ավելի ակտիվ, բջջային հավելվածի տարբեր բաժինների միջոցով  տեղեկացնելով քաղաքապետարանին ինչպես պատահարների, խափանումների, առաջացած խնդիրների մասին այնպես էլ քաղաքապետարանի և համայքապետարանների կողմից խնդիրների լուծմանը  գնահատման և արձագանքման միջոցով:

Բջջային հավելվածին կարող են միանալ հանրային նշանակության ծառայություններ մատուցող ընկերությունները (կոմունալ, տրասպորտային, ժամանցային, կոմերցիոն, բժշկական), որտեղ նրանք կարող են գտնել իրենց target audience.

suggest image
Երևանի հրապարակներում երթևեկության պարզեցման և բարելավման լուծում

02-10-2019

ՄԻՔԱՅԵԼ ԿԱՐՍՅԱՆ

Բարև ձեզ սիրելի Երևանցիներ:

Թույլ տվեք ներկայանալ՝ Միքայել Կարսյան, ինտերիեր դիզայներ-ճարտարապետ, 1999 թ-ից IMAGEMAN նախագծային արվեստանոցի հիմնադիր և ղեկավար:

Ուսումնասիրելով բազմաթիվ Եվրոպական երկրներում, ինչպես նաև հարևան Վրաստանում կիրառված նմանատիպ լուծումը, առաջարկում եմ կիրառել այն Երևանյան հրապարակներում, որտեղ օրվա որոշ ժամերին, երթևեկությունը պարզապես սարսափելի է դառնում: Այս պարզ, պրիմիտիվ և գրեթե գումար չպահանջող լուծումը բավականին կթեթևացնի հրապարակը ավտոմեքենաների երթևեկությունից, ինչպես նաև թույլ կտա ազատել վարորդներին հրապարակ անցանկալի մուտք գործելուց: Խոսքը գնում է այլընտրանքային շրջադարձների մասին, նախքան հրապարակ մտնելը: Օրինակ բերեմ Հանրապետության հրապարակին միացող Ամիրյան և Տիգրան Մեծ փողոցների հանգույցները:

suggest image
Անտուն կենդանիների խնամքի ծրագիր Երևանում/ պիլոտային տնակներ բակերում

02-10-2019

ԼԱԼԱ ՊՈՂՈՍՅԱՆ

Հեղափոխությունից հետո իրականացավ երևանցի կենդանասերների վաղեմի երազանքը՝ այն, որ քաղաքի իշխանությունները որդեգրել են կենդանիների նկատմամբ նոր, առավել մարդասիրական ռազմավարություն: Այսուհետ անտուն շների գլխաքանակ վերահսկման միջոցները լինելու են «առանց սպանություն» (“non-killing”) եղանակով, այն է՝ քաղաքապետարանին կից այդ հարցերով զբաղվող հատուկ կառույցը՝ Թափառող կենդանիների վնասազերծման կենտրոնը (ԹափառողԿենդանիներիՎնասազերծմանԿենտրոն / Stray Animals Center) իրականացնում է նրանց ստերջացումը, պատվաստումը, և նրանք վերադարձվում են տարածք:

Բայց այս բոլոր միջոցառումների շնորհիվ կենդանիները չեն դադարում մնալ անտուն, թափառող, չխնամված, սոված, իսկ հիվանդության դեպքում դրա մասին կարող է նույնիսկ ոչ ոք չիմանալ: Առաջարկում ենք լրացնել քաղաքապետարանի կողմից իրականացվող ծրագիրը, որը հնարավորութուն կտա խնամակալության տակ վերցնել տարածք վերադարձած շներին, ինչպես նաև տարածքում ապրող կատուներին:

Մենք ունենք մի շարք բակերում կամավորներ, որոնք առդեն տարիներ շարունակ իրենց հաշվին , կամ կենդանապաշտպան կազմակերպությունների և խմբերի օգնությամբ խնամում են, մաքրում են, պետք եղած պահին բուժում են և կանոնավոր կերակրում, ապահովում են անհրաժեշտով իրենց բակի կենդանիներին: Մենք առաջարկում ենք ընտրել մի քանի այդպիսի պիլոտային բակեր և տեղադրել այնտեղ բներ/տնակներ, կերակրամաններ, ջրի համար ամաններ քաղաքապետարանի լոգոյով: Ընդ որում, խնամակալները պարտավորվում են հետևել տնակների սանիտարական վիճակին:

suggest image
Երևան քաղաքի ինտերակտիվ մանրակերտ-ուղեցույց

02-10-2019

ԴԱՎԻԹ ՄՈՎՍԻՍՅԱՆ

Առաջարկում եմ Երևանի տուրիստական գոտիներից մեկում տեղադրել նորարար տեխնոլոգիաներով կառուցված և ինտերակտիվ տեղեկատվական միջոցներով հագեցած Երևան քաղաքի մասշտաբային մանրակերտը


Մանրակերտը՝ շինությունների մանրամասն դետալիզացիայով, ծառերով ու կանաչ տարածքներով, իսկ  երեկոյան ժամերին նաև քաղաքային լուսավորության վերարտադրմամբ, թռչնի թռիչքի բարձրությունից կներկայացնի մեր թամանյանական վարդագույն հրաշքը:
Ինտերակտիվ ինֆորմացիոն տեխնոլոգիաների օգնությամբ, կարելի է հաղորդել նրան տուրիստական ինֆորմացիոն կենտրոնի և ուղեցույց-քարտեզի ֆունկցիոնալություն. օրինակ ընտրելով «թանգարաններ» կոճակը՝ ժամանակավորապես ընդգծել թանգարանների տեղը, կամ «ու՞ր գնալ այսօր» կոճակի սեղմումով ստանալ առաջարկ՝ կարճ ինֆորմացիայի և մանրակերտի վրա ճանապարհի և վայրի նշումով:

Մանրակերտի տեղադրման վայր կառաջարկեմ «Երևանի բանալու» մոտ՝ Հյուսիսային պողոտայի սկզբնամասում,  2,5-3մ տրամագծով պատվանդանի վրա: 

Երևանում կունենանք ևս մեկ տեսարժան վայր, որտեղ միշտ խմբված կլինեն մարդիք,  որտեղից մայրաքաղաքի հյուրերը կհեռանան հստակ իմանալով թե ուր և թե որ  ճարտարապետական մշակույթի կոթողը գտնելու և հիանալու ու իհարկե թարմ սելֆիյով թայմլայնում:

no image
Բոլորին հարմար

02-10-2019

ՆԱՐԻՆԵ ՄԱՆՈՒԿՅԱՆ

Տիգրան Մեծ 53 հասցեում առաջիկայում շահագործման կհանձնվի Մանկական ներառական զարգացման կենտրոն, որտեղ հաշմանդամություն  ունեցող և հաշմանդամություն  չունեցող 2-6 տարեկան երեխաները միասին ժամանակ կանցկացնեն՝ կոտրելով բոլոր կարծրատիպերը։

Հաշվի առնելով այն հանգամանքը, որ Երևանում դեռևս չկա ներառական մանկական զարգացման կենտրոն (գործող ներառական մանկապարտեզներում խնդիրներ ունեցող երեխաների և խնդիրներ չունեցող երեխաների խմբերը հստակ առանձնացված են)՝ չափազանց կարևորում ենք նման մոդելով զարգացման կենտրոնի առկայությունը։ Խնդիրներ ունեցող ու չունեցող երեխաները լինելու են միևնույն խմբում՝ ձևավորելով առողջ ներառական միջավայր, նպաստելով երեխաների ճիշտ հոգեբանական ինտեգրմանը, իրազեկմանը և ճանապարհ հարթելով երեխաներին ինտեգրվել ներառական դպրոցում ՝ հեշտությամբ և հոգեբանորեն ավելի պատրաստ։ 

Զարգացման կենտրոնում հաշմանդամություն ունեցող երեխաները անհրաժեշտության դեպքում կստանան նաև վերականգնողական թերապիաներ՝ ֆիզեոթերապիա, էրգոթերապիա, լոգոպեդի և հոգեբանի ծառայություն: 

Առաջարկում ենք նախատեսված բյուջեի սահմաններում տրամադրել  ներառական զարգացման կենտրոնի 6 սենյակի  սարքավորումներ, ինչպես նաև գնդակներ, ծեփամածիկներ, կավ, կինետիկ ավազ և զարգացնող տարբեր խաղեր։ 

Համապատասխան սարքավորումներով ու հատուկ խաղերով հագեցվածությունը կնպաստի ներառական զարգացման կենտրոնի նպատակի իրագործմանը՝ օգնելով ապահովել  բոլոր երեխաների համաչափ զարգացումը։ 

suggest image
Երևանի կանաչ գոտիների գույքագրում GPS համակարգի և տեղեկատվական տեխնոլոգիաների կիրառմամբ

30-09-2019

ԱՇՈՏ ՄԻՐԶՈՅԱՆ

Առաջարկում եմ կազմակերպել Երևանի կանաչ գոտիների (ծառերի) գույքագրում GPS համակարգի և տեղեկատվական տեխնոլոգիաների կիրառմամբ, որի արդյունքում  կստեղծվի տվյալների բազա յուրաքանչյուր ծառի համար (ծառի պատմություն) և կանաչ գոտիների քարտեզ: Կանաչ գոտիների գույքագրումը հնարավորություն կտա անձնագրավորել յուրաքանչյուր ծառը ու հետագայում կառավարելի դարձնել մինչ այժմ շարունակվող կանաչ գոտիների անվերահսկելի ոչնչացումը և դրական ազդեցություն կունենա քաղաքի շրջակա միջավայրի վրա: Գույքագրման տևողությունը 3,5 ամիս, բյուջեն՝ 15.000.000, որից 6.500.000 դրամը ծախսվելու է անհրաժեշտ սարքավորումները ձեռք բերելու համար: Գույքագրումը իրականացվելու է «Սպառողների աջակցման կենտրոն» ՀԿ փորձառու մասնագետների և քաղաքապետարանի բնապահպանության վարչության հետ համատեղ: